ජනාධිපති අනුර කුමාර දිසානායක මහතා තමිල්නාඩු මහ ඇමති සී. ජෝසප් විජේ වෙත තම පෞද්ගලික සුබ පැතුම් පිරිනැමීම පුදුම සහගත බව එක්සත් ජාතික පක්ෂය අද (13) නිවේදනයක් නිකුත් කරමින් පැවසුවේය.
සාම්ප්රදායික රාජ්ය තාන්ත්රික ප්රොටෝකෝලය මඟ හැරීමට ජනාධිපතිවරයා ගත් තීරණය පිළිබඳව එක්සත් ජාතික පක්ෂය ජනපතිවරයාගෙන් ප්රශ්න කළේය.
රාජ්ය නායකයෙකු ලෙස එවැනි සුබ පැතුම් පණිවිඩ වෙනත් රාජ්ය නායකයෙකුට වෙන් කළ යුතු බවත් විදේශීය පළාත්/ ප්රාන්ත නායකයින් සඳහා සුභ පැතුම් පණිවිඩ නිකුත් කිරීමේ සම්ප්රදායක් නොමැති බවත් එම නිවේදනයේ සඳහන් වේ.
අලුතින් තේරී පත් වූ බටහිර බෙංගාල මහ ඇමති සුවෙන්දු අධිකාරි හෝ ඇසෑම් මහ ඇමති හිමන්ත බිස්වා සර්මා වෙත ජනාධිපති දිසානායක සමාන සුබ පැතුම් පණිවිඩයක් ලබා දී නොමැති මන්දැයි එක්සත් ජාතික පක්ෂය තවදුරටත් ප්රශ්න කළේය. ප්රාන්ත මට්ටමේ නායකයෙකු සමඟ ජනාධිපතිවරයාගේ සෘජු සම්බන්ධතාවය ස්ථාපිත ජාත්යන්තර සම්මතයන්ගෙන් බැහැරවීමක් බව එක්සත් ජාතික පක්ෂය පැවසීය.
