උත්සව සමයේදී ගිනිකෙළි භාවිතා කිරීමේදී දැඩි සේ ප්රවේශම් වන ලෙස ජාතික අක්ෂි රෝහලේ අධ්යක්ෂ වෛද්ය ජයරුවන් බණ්ඩාර මහතා ජනතාවගෙන් ඉල්ලා සිටී.
රතිඤ්ඤා, “බඹර චක්ර” සහ නිලාකූරු වැනි ද්රව්ය හැසිරවීමේදී ආරක්ෂාවේ වැදගත්කම අවධාරණය කරමින් ඔහු සඳහන් කළේ, නුසුදුසු භාවිතය බරපතල තුවාල වලට හේතු විය හැකි බවයි.
විශේෂයෙන් ළමයින් වැඩිහිටියන්ගේ අධීක්ෂණය යටතේ පමණක් ගිනිකෙළි හැසිරවිය යුතු බව ඔහු අවධාරණය කළේය.
සෑම වසරකම අලුත් අවුරුදු සමයේදී, ගිනිකෙළි ආශ්රිත අනතුරු හේතුවෙන් ඇති වන දරුණු අක්ෂි තුවාල පිළිබඳ සිදුවීම් කිහිපයක් අක්ෂි රෝහලට වාර්තා වන බව ද වෛද්ය ජයරුවන් සඳහන් කළේය.
“ගිනිකෙළි හැසිරවීමේදී නොසැලකිලිමත්කම ජීවිත කාලය පුරාම අන්ධභාවය ඇතුළු ස්ථිර පෙනීම නැතිවීමට හේතු විය හැකියි. ගිනිකෙළි භාවිතයේ දී ඇසේ තුවාලයක් ඇති වුවහොත්, ඇස අතුල්ලමින් හෝ අත් බෙහෙත් යෙදීමෙන් වැළකී සිටිය යුතු බවත් ඒ වෙනුවට, ඔවුන් ළඟම ඇති රෝහලේ හෝ ජාතික අක්ෂි රෝහලේ වහාම වෛද්ය ප්රතිකාර ලබා ගත යුතු බවත් ඔහු අවධාරණය කළේය.
