2026 ඉන්දීය ප්රිමියර් ලීග් තරගාවලියට සහභාගී වීම සඳහා “විරෝධතාවයක් නැති බවට සහතිකයක්” (No Objection Certificate – NOC) නිකුත් නොකිරීම සම්බන්ධයෙන් ක්රිකට් ක්රීඩක නුවන් තුෂාර විසින් ගොනු කරන ලද පෙත්සමකට විරෝධතා ගොනු කරන බව ශ්රී ලංකා ක්රිකට් ආයතනය අද (09) කොළඹ දිස්ත්රික් අධිකරණයට දැනුම් දුන්නේය.
ශ්රී ලංකා ක්රිකට් ආයතනයේ සභාපති ෂම්මි සිල්වා ඇතුළු ශ්රී ලංකා ක්රිකට් නිලධාරීන් කිහිප දෙනෙකු පෙත්සමේ වගඋත්තරකරුවන් ලෙස නම් කර ඇත.
IPL සහ අනෙකුත් ජාත්යන්තර තරඟාවලි සඳහා ඔහුට සහභාගී වීමට හැකි වන පරිදි NOC නිකුත් කරන ලෙස ශ්රී ලංකා ක්රිකට් ආයතනයට නියෝග කරන අතුරු නියෝගයක් ඉල්ලා සිටින පෙත්සමක් නුවන් තුෂාර විසින් ගොනුකර ඇත.
මෙම නඩුව අද (09) කැඳවන ලද අතර, එහිදී තුෂාර වෙනුවෙන් පෙනී සිටි නීතිඥවරයා අතුරු සහන සලකා බැලීමට දිනයක් ඉල්ලා සිටි අතර, ශ්රී ලංකා ක්රිකට් ආයතනයේ නීති නියෝජිතයින් විරෝධතා ගොනු කිරීමට කාලය ඉල්ලා සිටියේය. ඒ අනුව, විරෝධතා ගොනු කිරීම විභාග කිරීම සඳහා අධිකරණය අප්රේල් 23 වන දිනට නියම කළේය.
.
