ඩිජිටල් ආර්ථික අමාත්යංශය, ICTA ආයතනය සහ Lanka pay ආයතනය එක්ව එළිදැක්වූ Gov pay මාර්ගගත ගෙවීමේ ක්රමය භාවිතා කරමින් මධ්යම පළාත තුළ රථ වාහන දඩ මුදල් ගෙවීමේ හැකියාව ලබාදී තිබේ.
Gov pay භාවිතා කිරීමේ තාක්ෂණික ක්රමවේදය පිළිබඳව පොලිස් නිලධාරීන් දැනුවත් කිරීමේ හමුව පසුගිය දා නුවරඑළිය කොට්ඨාසයට හා හැටන් කොට්ඨාසයට පැවැත්වීමෙන් අනතුරුව පසුගිය 03 වන දින මහනුවර පොලිස් මූලස්ථානයේ ශ්රවනාගාරයේදී මධ්යම පළාත භාර ජ්යෙෂ්ඨ නියෝජ්ය පොලිස්පති ලලිත් පතිනායක මහතාගේ හා රථවාහන හා මාර්ග ආරක්ෂන දිසාව නියෝජ්ය පොලිස්පති සේනාධීර මහතාගේ ප්රධානත්වයෙන් මහනුවර, මාතලේ, ගම්පොල, තෙල්දෙණිය පොලිස් කොට්ඨාසයන්ට පැවැත්විණි.
මාර්ගගත (Online) දඩ ගෙවීමේ ක්රමය භාවිතා කිරීමට මෙන්ම ජනතාව දැනුවත් කිරීමට අවශ්ය තාක්ෂණික දැනුම නිලධාරීන් වෙත ලබාදීම සඳහා ප්රවාහන/අධිවේගී මාර්ග සහ නාගරික සංවර්ධන අමාත්යාංශයේ උපදේශක හර්ෂණ පුරසිංහ මහතා, ඩිජිටල් ආරක්ෂක උපදේශක සුමුදු රත්නායක මහතා, Lankapay ආයතනය නියෝජනය කරමින් එහි විධායක නිලධාරී චන්දන සිල්වා මහතා සහ අමිල ඒ්කනායක මහතා, ICTA ආයතනයේ ව්යාපෘති කළමනාකරණ උදාරි විතානගේ මහත්මිය සම්පත් දායකයින් ලෙස වැඩසටහන එක් විය.
වැඩසටහන අතරතුර මාර්ගගත (Online) දඩ ගෙවීමේ ක්රමය භාවිතා කිරීම සඳහා සංකේතාත්මකව නවීන ජංගම දුරකථන නිලධාරීන් වෙත ලබාදීම ද සිදුවිය.
මින් ඉදිරියට Gov Pay ගෙවීම් ක්රමය මගින් මධ්යම පළාත තුළ රථ වාහන දඩ ගෙවීම සඳහා පොලිස් නිලධාරින්ගෙන් උපදෙස් ඉල්ලා සිටි හැකිය.
දඩ මුදල Online (මාර්ගගතව) ගෙවූ පසු එම අවස්ථාවේදීම ඔබේ රියදුරු බලපත්රය ලබාගත හැකිය. අවශ්ය නම් පසුව අවස්ථාවක ගෙවීම සඳහා https://govpay.lk/si/spot-fine උපදෙස් පරිශීලනය කරමින් කටයුතු කළ හැකි බවත් පොලිස් මාධ්ය කොට්ඨාශය දැනුම් දෙයි.
