මහවැලි ගඟ ද්රෝණිය සඳහා නිකුත් කළ ගංවතුර අනතුරු ඇඟවීමේ නිවේදනය ඉදිරි පැය 24 සඳහා ද දීර්ඝ කළ බව වාරිමාර්ග දෙපාර්තමේන්තුව අද (19) පස්වරු 05.30ට නිවේදනවක් නිකුත් කරමින් ප්රකාශ කළේය.
මෙම නිවේදනය හෙට (20) පස්වරු 5.30 දක්වා බලපැවැත්වෙන බව ද එම නිවේදනයේ සඳහන් වේ.
මහවැලි ගඟෙහි ඇතැම් ධාරා ප්රදේශවලට ලැබුණු වර්ෂාව හා මහවැලි නිම්නයේ ඉහළ පිහිටි ජලාශවලින් නිකුත් කරනු ලබන ජලය හේතුවෙන් සුළු ගංවතුර තත්ත්වයක් ඇතිවීමේ අවදානමක් පවතින බවත් ඒ අනුව කින්නියා, මුතුර්, කන්තලේ, සේරුවිල, වැලිකන්ද, ලංකාපුර, තමන්කඩුව සහ දිඹුලාගල ප්රාදේශීය ලේකම් කොට්ඨාසවලට අයත් මහවැලි ගඟ ආශ්රිත පහත් ප්රදේශවල සිටින පිරිසට විශේෂයෙන්ම අවදානයෙන් සිටින ලෙස දැනුම් දුන්නේය.
මඩකලපුව – පොළොන්නරුව මාර්ගය ගල්ලෑල්ල ප්රදේශයෙන් ද, සෝමාවතී රාජමහා විහාරයට යන ප්රවේශ මාර්ගය සහ සෝමාවතී රජමහා විහාරය අවට ප්රදේශය ද ගංවතුරින් යටවීමේ අවදානමක්ද පවතින බව ඊයේ නිකුත් කළ නිවේදනයේ සඳහන් විය.
