2025 දෙසැම්බර් 15 වැනිදා සිට 2026 මාර්තු දක්වා කාලය ආවරණය වන පරිදි සංශෝධිත පාසල් දින දර්ශනය අද (15) අධ්යාපන අමාත්යාංශ ලේකම් නාලක කළුවැව මහතා විසින් ප්රකාශට පත් කළේය.
බටහිර, දකුණ, උතුර, සබරගමුව, නැගෙනහිර සහ උතුරු මැද පළාත්වල පාසල් දෙසැම්බර් 16 වන අඟහරුවාදා නැවත විවෘත වන අතර පවතින දුෂ්කරතා හේතුවෙන් ඌව, වයඹ සහ මධ්යම පළාත්වල පාසල් 640 ක් වසා තබනු ඇති බව ද නාලක කළුවැව ප්රකාශ කළේය.
ප්රවාහන බාධා හේතුවෙන් සිසුන්ට සහ ගුරුවරුන්ට ආරක්ෂිතව ගමන් කිරීමට නොහැකි වීම හේතුවෙන් වසා දසා ඇති ඌව පළාතේ පාසල් 524 ප්රවාහන තත්ත්වය යහපත් වූ වහාම නැවත විවෘත කරන බව ද ඔහු ප්රකාශ කළේය.
වයඹ පළාතේ තවත් පාසල් පහක් සහ මධ්යම පළාතේ පාසල් 111ක් ද වසා ඇති බව කී අධ්යාපන අමාත්යාංශ ලේකම්වරයා සංශෝධිත දින දර්ශනය යටතේ, නැවත විවෘත කරන පාසල් දෙසැම්බර් 22 සිට දෙසැම්බර් 28 දක්වා නත්තල් නිවාඩු සඳහා නැවත වසා දමා දෙසැම්බර් 29 වන දින පන්ති නැවත ආරම්භ කරන බව ද කීවේය.
අධ්යාපන සාමාන්ය සහතික පත්ර උසස් පෙළ විභාග ප්රශ්න පත්ර සම්පූර්ණ කිරීම පහසු කිරීම සඳහා විභාග කොමසාරිස්වරයාගේ ඉල්ලීම පරිදි ජනවාරි 12 සිට ජනවාරි 20 දක්වා පාසල් යළි වසා දමන බව අධ්යාපන අමාත්යාංශයේ ලේකම් නාලක කළුවාව මහතා පැවසීය.
අධ්යාපන සාමාන්ය සහතික පත්ර සාමාන්ය පෙළ විභාග සඳහා පහසුකම් සැලසීම සඳහා පෙබරවාරි 14 සිට මාර්තු 2 දක්වා පාසල් නැවත වරක් වසා දමන බව ඔහු පැවසුවේය.
2025 සඳහා තෙවන වාර පාසල් පරීක්ෂණ රට පුරා අවලංගු කර ඇති බව ද ලේකම්වරයා නිවේදනය කළේය. මෑත කාලීන ස්වාභාවික විපත්වලින් පීඩාවට පත් සිසුන් සහ ගුරුවරුන් මත පීඩනය ලිහිල් කිරීම සඳහා මෙම තීරණය ගත් බව ඔහු පැවසුවේය.
බලපෑමට ලක් වූ ප්රදේශවල සහන පියවරවල කොටසක් ලෙස, පාසල් ඇඳුම් පැළඳුම් නීති දැඩි ලෙස ක්රියාත්මක නොකරනු ඇති අතර සිසුන් පාසල් නිල ඇඳුම් ඇඳීමට අවශ්ය නොවන අතර, මෙම කාලය තුළ ගුරුවරුන් විධිමත් ඇඳුම් ඇඳීමට අවශ්ය නොවන බව අධ්යාපන අමාත්යාංශ ලේකම්වරයා කීවේය.
පාසල් වසා දැමීමෙන් බලපෑමට ලක් වූ සිසුන්ට සාමාන්ය මෙහෙයුම් නැවත ආරම්භ වන තෙක් ඔවුන්ගේ සුපුරුදු පාසල නොසලකා ඔවුන්ගේ නිවසට ආසන්නතම පාසලට පැමිණීමට අවසර දෙන බව ඔහු පැවසුවේය.
අධ්යාපන අමාත්යාංශ ලේකම්වරයා පැවසුවේ මෙම පියවරයන් සිසුන්ගේ ආරක්ෂාව සහතික කරමින් ඉගෙනීමට ඇති වන බාධා අවම කිරීම සහ විභාග කාලසටහන් සකස් කිරීම අරමුණු කරගත් බවයි.
ප්රධාන පාසල් දින දර්ශන දිනයන්:
- දෙසැම්බර් 16: ඌව, වයඹ සහ මධ්යම පළාත්වල පාසල් 640ක් හැර, පළාත් හයක පාසල් නැවත විවෘත වේ.
- දෙසැම්බර් 22–28: නත්තල් නිවාඩු.
- දෙසැම්බර් 29: නත්තල් නිවාඩුවෙන් පසු පාසල් නැවත විවෘත වේ.
- ජනවාරි 12–20: උසස් පෙළ විභාග අවසන් කිරීම සඳහා පාසල් වසා දැමීම.
- පෙබරවාරි 14–මාර්තු 2: සාමාන්ය පෙළ විභාග සඳහා පාසල් වසා දැමීම.
