එළඹෙන වෙසක් සහ පොසොන් පොහොය වෙනුවෙන් දිවයින පුරා පවත්වනු ලබන දන්සැල්වල ආහාර සුරක්ෂිතතාව සම්බන්ධයෙන් මාර්ගෝපදේශ මාලාවක් සෞඛ්ය හා ජනමාධ්ය අමාත්යංශය විසින් නිකුත් අද (23) නිකුත් කළේය.
නව මාර්ගෝපදේශයට අනුව සියලුම දන්සැල් මහජන සෞඛ්ය පරීක්ෂක කොට්ඨාස මට්ටමින් සෞඛ්ය නිලධාරි කාර්යාලයේ ලියාපදිංචි කළ යුතු අතර දන්සැල් පවත්වන ස්ථානය, පවත්වන අයගේ නම, ලිපිනය, දුරකතන අංකය වැනි මූලික තොරතුරු ලියාපදිංචියට ඇතුළත් යුතුවේ.
එම මාර්ගෝපදේශ මාලාවේ මෙසේ ද සඳහන් වේ.
- සෞඛ්යාරක්ෂිත දන්සැල් පවත්වාගෙන යාම පිළිබඳව දන්සැල් සංවිධායකයින්ව මනාව දැනුවත් කළ යුතුය.
- සෞඛ්ය වෛද්ය නිලධාරින් හා මහජන සෞඛ්ය පරීක්ෂකවරුන් විසින් දන්සැල් පරීක්ෂා කිරීමේදී, 2011 ආහාර ස්වස්ථතා රෙගුලාසිවලට අනුකුලව කටයුතු කිරීමට බවට වග බලා ගත යුතුය.
- දන්සැල් ආරම්භ කිරීමට පෙර සහ දන්සැල් අවසන් කිරීමෙන් පසු මහජන සෞඛ්ය පරීක්ෂක විසින් ස්ථානය පරීක්ෂා කර සෞඛ්යාරක්ෂිත බව සහ පරිසර සෞඛ්යයට හානි නොවන බවට වග බලා ගත යුතුය.
- ආරම්භයේ සිට අවසානය දක්වා නිසි කසළ කළමනාකරණ වැඩපිළිවෙලක් යොදාගත යුතුය.
- හැකි සෑම විටම ජාතික ජල සම්පාදන හා ජලාපවාහන මණ්ඩලයේ ජලය දන්සැලේ ආහාර සකස් කිරීමට සහ පරිභෝජනයට යොදාගැනීමට වග බලා ගත යුතුය.
- එසේ කළ නොහැකි අවස්ථාවලදී ආරක්ෂිත ජල මූලාශ්රවලින් ජලය ලබාගැනීමට කටයුතු කළ යුතුය.
- දන්සැල ආශ්රිතව ආහාර අනුභවය සිදු කරන අවස්ථාවලචී අත් සේදීම සඳහා ජල පහසුකම් සහ අත් පිරිසිදුකාරක සපයා ඇති බවට සහතික කළ යුතුය.
- දන්සැලේ ආහාර පිළියෙළ කිරීම සහ පාරිභෝජනයඅතර කාලය පැය 04කට නොවැඩි විය යුතුය.
