අමාත්යාංශ ලේකම්වරයෙකුගේ සහ රජයේ ව්යවස්ථාපිත මණ්ඩල/ ආයතන තුනක සභාපතිවරුන්ගේ පත්වීම් සඳහා උසස් නිලතල පිළිබඳ කාරක සභාවේ අනුමැතිය පසුගියදා හිමිවිය.
ඒ අනුව, සෞඛ්ය සහ ජනමාධ්ය අමාත්යාංශයේ ලේකම්වරයා ලෙස වෛද්ය අනිල් ජාසිංහ මහතාගේ පත් කිරීම, කොළඹ නෙළුම් කුළුණ කළමනාකරණ (පෞද්ගලික) සමාගමේ සභාපතිවරයා ලෙස එස්.ඒ.එම්. පීරිස් මහතාගේ පත් කිරීම, සීමාසහිත කුරුණෑගල වැවිලි සමාගමේ සභාපතිවරයා ලෙස එච්.එම්.පී. රත්නායක මහතා පත් කිරීම සහ ජාතික රක්ෂණ භාර අරමුදලේ සභාපතිනිය ලෙස (ආචාර්ය) ඩබ්ලිව්.එම්.වී. වනසිංහ මහත්මිය පත් කිරීම කාරක සභාව විසින් අනුමත කරන ලදී.
අග්රාමාත්ය (ආචාර්ය) හරිනි අමරසූරියගේ සභාපතීත්වයෙන් පැවැති මෙම කාරක සභා රැස්වීමට, අමාත්ය රාමලිංගම් චන්ද්රසේකර්, පාර්ලිමේන්තු මන්ත්රීවරුන් වන කුමාර ජයකොඩි සහ නීතිඥ දයාසිරි ජයසේකර යන මහත්වරු ද සහභාගී වූහ.
