ජාත්‍යන්තර සරුංගල් සැණකෙළිය 08 සහ 09 වැනිදා ගාලු මුවදොර පිටියේ දී: මෝටර් රථ හිමියන්ට සහ රියැදුරන්ට පොලිසියෙන් නිවේදනයක්

2026 ජාත්‍යන්තර සරුංගල් සැණකෙළිය සෙනසුරාදා (08) වැනි දින සහ 09 ඉරුදින කොළඹ ගාලු මුවදොර පිටියේදී පැවැත්වෙන අතර 08 වන අතර වන දින උදෑසන 09. 00 ට උත්සවය සමාරම්භය සනිටුහන් කරමින් වාහන පෙළපාලියක් සංවිධානය වී ඇත.

එම රථ පෙළපාලිය පැවැත්වෙන ගමන් මාර්ගය මේසේය :

• ගාලු මුවදොර වටරවුම, කොල්ලුපිටිය හන්දිය, ධර්මපාල මාවත, ලිබර්ටි වටරවුම, ආර්.ඒ. ද මෙල් මාවත, බම්බලපිටිය හන්දිය, බෞද්ධාලෝක මාවත, තුම්මුල්ල, තර්ස්ටන් පාර, ග්ලාස් හවුස්, නන්දා මෝටර්ස්, නිදහස් මාවත, රාජ්‍ය පරිපාලන, මේට්ලන් ක්‍රසන්ට් හන්දිය, හෝර්ටන් මේට්ලන් ක්‍රසන්ට්, හෝර්ටන් වටරවුම, කන්නන්ගර මාවත, සොයිසා වටරවුම, ලිප්ටන් වටරවුම, ඉබ්බන්වල හන්දිය, ඩාලි පාර, ඩී.ආර්. විජේවර්ධන මාවත, රීගල් හංදිය, සෙරමික් හන්දිය, ලෝටස් පාර, එන්.එස්.ඒ. වටරවුම ඔස්සේ වරාය නගරයෙන් අවසන් වේ.

2026.08.08 සෙනසුරාදා දින මෙම සැණකෙළිය පැවැත්වෙන කාල සීමාවේදි ඉහත ප්‍රදේශ ආශ්‍රීතව යම් මාර්ග අවහිරතාවයක් විය හැකි බැවින් විකල්ප මාර්ග භාවිතා කිරීම සුදුසු බව මහජනතාවට හා රියැදුරන්ට දන්වා සිටින අතර, වෙනත් අත්‍යාවශ්‍යය කරුණකදී රථවාහන නිලධාරීන් සහය දක්වනු ඇත.

2026.08.09 වන ඉරුදින සරුංගල් සැණකෙළිය හා සංගීත ප්‍රසංගය මහජනතාවට නැරඹීම සඳහා විවෘත වේ. රථවාහන පාලනය හා ආරක්ෂාව සඳහා ප්‍රදේශය ආවරණය වන පරිදි රථවාහන නිලධාරීන් 300 දෙනෙකු හා ආරක්ෂාව සඳහා පොලිස් නිලධාරීන් 700 දෙනෙකු ඇතුළු පොලිස් නිලධාරින් 10.00 ක් පමණ යෙදවීමට නියමිතය.

2026.08.09 වන ඉරුදින පැමිණෙන රථවාහන ගාල් කිරීම පහත පරිදි සිදු කල හැකිය.

• එම්.ඕ.ඩී. භුමියේ රථගාල

• ෂැන්ග්‍රි-ලා අසල කොන්ක්‍රීට් භූමියේ රථ ගාල

• චෛත්‍ය පාර

• යෝර්ක් වීදිය චැතම් වීදිය හංදිය සිට පැරණි පොලිස් මූලස්ථානය දක්වා

• ලේඩ්න් බැස්ටියන් මාවත මාර්ගය දෙපස

• පහල ලෝටස් පාර මාර්ගයේ වම්පස

• ඩියුක් වීදිය මාර්ගය දෙපස

• බ්‍රිස්ටල් වීදිය මාර්ගය දෙපස

• බාරොන් ජයතිලක මාවත මාර්ගය දෙපස

• ඩී.ආර්. විජේවර්ධන මාවත මාර්ගයේ වම්පස

• පාසන් පාර මාර්ගය දෙපස