2026 අ.පො.ස. සාමාන්ය පෙළ විභාගය සඳහා අයදුම් කරන සිසුන්ට ජාතික හැඳුනුම්පතක් නොමැතිවීම බාධාවක් නොවන බවත් සියලුම අයදුම්කරුවන් ජූලි 23 වන දිනට පෙර සිය අයදුම්පත් ඉදිරිපත් කළ යුතු බවත් විභාග දෙපාර්තමේන්තුව නිවේදනය කරයි.
2026 අපොස සාපෙළ විභාගය සඳහා 2026 ජූලි 3 සිට ජූලි 23 දක්වා අයදුම්පත් මාර්ගගතව පිළිගනු ලබන අතර, අයදුම්කරුවන් තම පෝරම ඉදිරිපත් කිරීමේදී නිල විභාග නිවේදනයේ දක්වා ඇති උපදෙස් ප්රවේශමෙන් අනුගමනය කරන ලෙස විභාග දෙපාර්තමේන්තුව උපදෙස් දී තිබේ.
විමසීම් හෝ වැඩිදුර තොරතුරු සඳහා, අපේක්ෂකයින්ට දෙපාර්තමේන්තුවේ ක්ෂණික දුරකථන අංකය වන 1911 හරහා හෝ 011-2784537, 011-2786616, 011-2784208 සහ ෆැක්ස් අංක 011-2784422 හරහා සම්බන්ධ විය හැකිය.
