ගාල්ල සහ මාතර ඇතුළු දිස්ත්රික්ක 4ක ඩෙංගු රෝගීන් වාර්තා වීමේ අනුපාතය අඩු වී ඇති නමුත් කොළඹ ඇතුළු තවත් දිස්ත්රික්ක කිහිපයක රෝගීන් වාර්තා වීම ඉහළ යමින් තිබෙන බව ජාතික ඩෙංගු මර්දන ඒකකයේ වැඩ බලන අධ්යක්ෂ වෛද්ය කපිල කන්නන්ගර මහතා සඳහන් කළේය.
ගාල්ල, මාතර, රත්නපුර සහ කෑගල්ල දිස්ත්රික්කවල ඩෙංගු රෝගීන්ගේ අඩුවීමක් වාර්තා වන අතර කොළඹ, ගම්පහ සහ පුත්තලම ඇතුළු දිස්ත්රික්ක කිහිපයක රෝගීන් වාර්තා වීම ඉහළ මට්ටමක පවතින බව ඔහු සඳහන් කළේය.
බස්නාහිර පළාත තුළ ඩෙංගු පැතිරීමේ ඉහළ අවදානමක් ඇති බවට හඳුනා ගෙන ඇති සෞඛ්ය වෛද්ය නිලධාරී (MOH) ප්රදේශ 23 ක අද දින විශේෂ ඩෙංගු මර්දන වැඩසටහනක් අඛණ්ඩව ක්රියාත්මක වන බව ද කන්නන්ගර මහතා පැවසුවේය.
