පසුගිය වසරේ ඉහළ පොල් ඵලදාවක් ලැබී තිබියදීත් සිල්ලර වෙළෙඳපොළේ පොල් මිල ඉහළ ගොස් ඇත්තේ අතරමැදියන් විසින් අධික මිල ගණන් යටතේ පොල් නැවත විකිණීම නිසා බව පොල් වගා කිරීමේ මණ්ඩලයේ (CCB) සභාපති සුනිමල් ජයකොඩි මහතා පැවසුවේය.
පසුගිය 2025 වසරේ පොල් ගෙඩි මිලියන 3,000ක අස්වැන්නක් ලැබුණ බව ද ඔහු හෙළි කළේය.
මේ වන විට විවෘත වෙළඳපොලේ පොල් මිල රුපියල් 180-200 දක්වා ළඟා වී ඇති අතර එය ආසන්න වශයෙන් රුපියල් 123ක වෙන්දේසි මිල ඉක්මවා ගොස් ඇති බව සුනිමල් ජයකොඩි පැවසීය.
පාරිභෝගිකයින් ආරක්ෂා කිරීම සඳහා, මණ්ඩලය විසින් කළමනාකරණය කරනු ලබන වතු 11ක නිෂ්පාදන භාවිතා කරමින් දිස්ත්රික් මට්ටමින් පොල් සෘජුවම අලෙවි කිරීමට මණ්ඩලය තීරණය කර ඇති බව කී සභාපතිවරයා පොල් සැපයුම තවදුරටත් ආරක්ෂා කිරීම සඳහා පළිබෝධකයන් සහ සතුන් නිසා දැනට සිදුවන 10%ක අස්වැන්න හානිය අඩු කිරීමට මණ්ඩලය සැලසුම් ක්රියාත්මක කරමින් සිටින බව ද සඳහන් කළේය.
