ආණ්ඩුක්රම ව්යවස්ථා සභාවට සිවිල් සමාජ නියෝජිතයින්ගේ ඉදිරි පත්වීම් විනිවිදභාවයෙන් හා උපදේශන ක්රියාවලියක් හරහා සිදු කරන බව සහතික කරන ලෙස ශ්රී ලංකා නීතිඥ සංගමය ජනාධිපතිවරයාගෙන්, අග්රමාත්යවරියගෙන්, කතානායකවරයාගෙන් සහ විපක්ෂ නායකවරයාගෙන් ඉල්ලයි.
වත්මන් සිවිල් සමාජ සාමාජිකයින් වන ආචාර්ය ප්රතාප් රාමනුජම්, ආචාර්ය දිල්කුෂි අනුලා විජේසුන්දර සහ මහාචාර්ය දිනේෂා සමරරත්න යන මහත්මීන් ගේ ධුර කාලය 2026 ජනවාරි මාසයේදී කල් ඉකුත් වන බව නීතිඥ සංගමය පෙන්වා දුන්නේය.
ආණ්ඩුක්රම ව්යවස්ථාවේ 21 වන සංශෝධනය යටතේ නැවත පිහිටුවන ලද ආණ්ඩුක්රම ව්යවස්ථා සභාව, ඉහළ තනතුරු සඳහා පත්වීම් අනුමත කිරීමේදී සහ ප්රධාන කොමිෂන් සභා වල ස්වාධීනත්වය සහතික කිරීමේදී ප්රධාන කාර්යභාරයක් ඉටු කරන බව ද ශ්රී ලංකා නීතිඥ සංගමය විසින් නිකුත් කළ ලිපියේ සඳහන් වේ.
පත්කිරීම් කරන්නන් පුළුල් සමාජ පිළිගැනීමක් සහ ව්යවස්ථාදායක සභාවේ කාර්යයට අර්ථවත් දායකත්වයක් ලබා දීමේ හැකියාව ඇති “ආදර්ශමත් අඛණ්ඩතාවයකින්” යුත් පුද්ගලයන් වීමේ අවශ්යතාවය නීතිඥ සංගමය අවධාරණය කළේය.
ශ්රී ලංකාවේ ප්රජාතන්ත්රවාදී ආයතනවල ස්වාධීනත්වය ආරක්ෂා කිරීම සඳහා පාර්ශවකරුවන්ගේ සහභාගීත්වයේ වැදගත්කම අවධාරණය කරමින්, පත්වීම් ක්රියාවලියේදී සිවිල් සමාජය සහ ශ්රී ලංකා නීතිඥ සංගමය වැනි වෘත්තීය ආයතන සමඟ සාකච්ඡා කළ යුතු බව ද සංගමය නිර්දේශ කර ඇත.
කඩිනමින් ස්ථීර විගණකාධිපතිවරයෙකු පත්කරන්නැයි ඉල්ලීමක්
මේ අතර ආණ්ඩුක්රම ව්යවස්ථාවට අනුව ස්ථීර විගණකාධිපතිවරයෙකු කඩිනමින් පත්කිරීම පියවර ගන්නා ලෙස ශ්රී ලංකා නීතීඥ සංගමය ජනාධිපති අනුර කුමාර දිසානායක මහතාගෙන් ඉල්ලීමක් කර ඇත.
ශ්රී ලංකා නීතීඥ සංගමය අද (23) දින ජනපතිවරයා වෙත විශේෂ ලිපියක් යොමු කරමින් රාජ්ය මුල්ය පාලනයේ විනිවිදභාවය ආරක්ෂා කිරීමට සහ ජාත්යන්තර විශ්වාසය තහවුරු කිරීමට විගණකාධිපතිවරයාගේ පත්වීම අත්යවශ්ය බව අවධාරණය කළේය.
ආණ්ඩුක්රම ව්යවස්ථාවේ 153(1) ව්යවස්ථාව යටත් පිහිටුවා ඇති විගණකාධිපති ධුරය සමස්ත රාජ්ය ආයතන වල වගකීම තහවුරු කරන ප්රධානතම කාර්යභාරය ඉටුකරන බව සිහිපත් කරන නීතිඥ සංගමය ජනාධිපතිවරයා මීට පෙර ඉදිරිපත් කරන ලද නාමය ව්යවස්ථාදායක සභාවේ බහුතර කැමැත්ත දිනාගැනීමට අපොහොසත් වී ඇති බැවින් දේශපාලන වශයෙන් පක්ෂපාතී නොවන ක්ෂේත්රයේ ප්රවීණත්වයක් සහ ස්වාධීනත්වයක් ඇති ව්යවස්ථාදායක සභාවේ පොදු එකගතාවය දිනාගත හැකි පුද්ගලයෙකු පත් කළ යුතු බව එම ලිපියෙන් වැඩිදුරටත් පෙන්වා දී ඇත.
ශ්රී ලංකාව දැනට ජාත්යන්තර මුල්ය අරමුදලේ වැඩසටහන යටතේ ආර්ථිකය ගොඩනගමින් සිටින අතර දිට්වා සුළි කුණාටුවෙන් සිදුවු විනාශය වෙනුවෙන් විශාල වශයෙන් විදේශ ආධාර ලැබෙමින් පවතින අතර මෙවැනි අවස්ථාවක මුල්ය විනිවිදභාවය උපරිමයෙන් තිබිය යුතු බව නීතීඥ සංගමය සිය ලිපියෙන් අවධාරණය කර ඇත.
