මෑත සතිවල සමාජ මාධ්ය වේදිකා හරහා වාර්තා වූ මාර්ගගත වංචා සහ වංචා කිරීමේ උත්සාහයන්හි තියුණු වැඩිවීමක් නිරීක්ෂණය වන බවත් ඒ සම්බන්ධයෙන් සුපරීක්ෂාකාරීව සිටින ලෙසත් ශ්රී ලංකා පරිගණක හදිසි සූදානම කණ්ඩායම (Sri Lanka Computer Emergency Readiness Team – SLCERT) මහජනතාවගෙන් ලෙස ඉල්ලා සිටී.
SLCERT නිවේදනයට අනුව, සයිබර් වංචාවල වැඩිවීම උත්සව සමය හා පවතින ආපදා තත්ත්වය සමඟ සමපාත වන අතර, එමඟින් මහජන විශ්වාසය සහ අවදානම ගසාකෑමට සයිබර් අපරාධකරුවන්ට අවස්ථා නිර්මාණය වේ.
රජයේ ආයතන, රාජ්ය සේවා දෙපාර්තමේන්තු, කීර්තිමත් සුපිරි වෙළඳසැල් සහ ප්රසිද්ධ ව්යාපාරික ආයතන ලෙස පෙනී සිටින වංචාකාරී යෝජනා ක්රම සම්බන්ධයෙන් සැලකිය යුතු පැමිණිලි සංඛ්යාවක් ලැබී ඇති බව SLCERT පැවසුවේය. රැවටීම සඳහා නිර්මාණය කර ඇති ව්යාජ ප්රවර්ධන දීමනා, මූල්ය ත්යාග සහ ත්යාග දැනුම්දීම් මෙම වංචාවන්ට ඇතුළත් වේ.
රටේ ප්රදේශ කිහිපයක පුළුල් හානියක් සිදු කළ මෑත කාලීන සුළි කුණාටුව සහ දැඩි වර්ෂාපතනයෙන් පසුව, සහන සහ ප්රතිසාධන කටයුතුවල නියැලී සිටින රජයේ ආයතන සහ සංවිධාන ලෙස පෙනී සිටින සයිබර් අපරාධකරුවන් ද සොයා ගෙන ඇත. සමාජ මාධ්යවල සංසරණය වන රැවටිලිකාර සබැඳි හරහා, අරමුදල් පරිත්යාග කරන ලෙස මහජනතාවගෙන් ඉල්ලා සිටින අතර, එහි ප්රතිඵලයක් ලෙස වින්දිතයින්ට ඔවුන්ගේ බැංකු ගිණුම්වලින් සෘජුවම මුදල් අහිමි වේ.
සැක සහිත සබැඳි ක්ලික් කිරීම, පුද්ගලික හෝ බැංකු තොරතුරු බෙදා නොගන්නා ලෙස හෝ නොදන්නා පුද්ගලයින්ට හෝ සත්යාපනය නොකළ වෙබ් අඩවි වලට එක්-කාලීන මුරපද (OTP) හෙළි නො කරන ලෙස CERT මහජනතාවට දැඩි ලෙස අවවාද කරයි.
නීත්යානුකූල රාජ්ය ආයතන සහ පිළිගත් සංවිධාන අනවශ්ය පණිවිඩ, සමාජ මාධ්ය සටහන් හෝ මාර්ගගත සබැඳි හරහා සංවේදී තොරතුරු ඉල්ලා නොසිටින බව ද ශ්රී ලංකා පරිගණක හදිසි සූදානම කණ්ඩායම අවධාරණය කළේය.
ප්රතිචාර දැක්වීමට පෙර ඕනෑම පණිවිඩයක, අරමුදල් රැස් කිරීමේ අභියාචනයක හෝ මූල්ය දීමනාවක සත්යතාව තහවුරු කර ගන්නා ලෙස මහජනතාවගෙන් ඉල්ලා සිටී.
සැක සහිත ක්රියාකාරකම් එහි ක්ෂණික ඇමතුම් අංකය හෝ නිල සන්නිවේදන මාර්ග හරහා ශ්රී ලංකා CERT වෙත වාර්තා කළ හැකි බව ද ශ්රී ලංකා පරිගණක හදිසි සූදානම කණ්ඩායම නිකුත් කළ නිවේදනයේ වැඩි දුරටත් සඳහන් වේ.
