ආපදා ප්රතිසංස්කරණ කටයුතු වලදී භූගත ෆයිබර් ඔප්ටික් සහ තඹ කේබල් වලට හිතාමතා හානි කිරීම සහ සොරකම් කිරීම දඬුවම් ලැබිය හැකි වරදක් බව Dialog Axiata PLC පවසයි.
නිරාවරණය වූ කේබල් විකෘති කර හෝ ඉවත් කර ඇත්නම් වහාම ළඟම ඇති පොලිස් ස්ථානයට දැනුම් දෙන ලෙස සමාගම මහජනතාවගෙන් ඉල්ලා සිටි අතර, අත්යවශ්ය සේවාවන් ආරක්ෂා කිරීමට සහ ප්රතිසංස්කරණය වේගවත් කිරීමට එවැනි වාර්තා අත්යවශ්ය බව අවධාරණය කළේය.
ආපදාවට ලක් වූ ප්රදේශවල සිදු කරන ලද මාර්ග අලුත්වැඩියාවන්හිදී භූගත විදුලිය සහ සන්නිවේදන කේබල් වලට ද හානි සිදුවී ඇති බව Dialog Axiata තවදුරටත් ප්රකාශ කළේය.
මෙම සේවාවන් ඉක්මනින් යථා තත්ත්වයට පත් කිරීම අතිශයින් වැදගත් වන බැවින්, සන්නිවේදන කේබල් වලට හානි කිරීම, ඒවා කපා ඉවත් කිරීම, ගබඩා කිරීම හෝ නීති විරෝධී ලෙස විකිණීම දඬුවම් ලැබිය හැකි වැරදි බව සමාගම අවධාරණය කළේය.
එවැනි ක්රියාවන් අදාළ බලධාරීන්ට වාර්තා කරන බවත්, එවැනි සිදුවීම් සිදුවුවහොත් ළඟම ඇති පොලිස් ස්ථානයට දැනුම් දෙන ලෙසත් මහජනතාවගෙන් ඉල්ලා සිටින බවත් එහි සඳහන් විය.
එසේම ආපදාවට ලක් වූ ප්රදේශවල මාර්ග අලුත්වැඩියා කිරීමේ දී භූගත සන්නිවේදන කේබල් නිරාවරණය වුවහොත්, අදාළ ආයතනවලට වහාම දැනුම් දෙන ලෙස ද Dialog Axiata මහජනතාවගෙන් ඉල්ලා සිටී.
