සංක්‍රමණ නොවන වීසා අයදුම්කරුවන්ට අනපේක්ෂිත සංචාරක බාධා සහ වෛද්‍ය හදිසි අවස්ථා ඇතුළුව එක්සත් ජනපදයට යන අතරතුර ඔවුන්ගේ වියදම් පියවා ගැනීමට ප්‍රමාණවත් මූල්‍ය සම්පත් ඇති බව සහතික කර ගන්නා ලෙස ශ්‍රී ලංකාවේ එක්සත් ජනපද තානාපති කාර්යාලය නිකුත් කළ නිවේදනයක සඳහන් වේ.
එක්සත් ජනපදයට යාමට සැලසුම් කරන පුද්ගලයින්ට ඔවුන්ගේ වීසා සම්මුඛ පරීක්ෂණ අතරතුර මූල්‍යමය වශයෙන් සූදානම් වන ලෙස සහ සහායක සාක්ෂි සපයන ලෙස ද මෙම නිවේදනයෙන් තානාපති කාර්යාලය උපදෙස් දී ඇත.
අනපේක්ෂිත තත්වයන්ගෙන් පැන නගින වියදම් ඇතුළුව, සංචාරකයින් තම රැඳී සිටින කාලය පුරාම තමන්ගේම වියදම් පියවා ගැනීමට සූදානම් විය යුතු බව තානාපති කාර්යාලය අවධාරණය කළේය.
මේ අතර, වීසා අයදුම් කිරීමේ ක්‍රියාවලියේදී ව්‍යාජ ලේඛන ඉදිරිපත් කිරීමට එරෙහිව තානාපති කාර්යාලය අනතුරු ඇඟවීමක් ද නිකුත් කළේය‍ෙ
වංචනික ලේඛන ඉදිරිපත් කිරීම වීසා වංචාවක් වන අතර එය වීසා නුසුදුසුකමක් සහ එක්සත් ජනපද වීසා බලපත්‍රයක් ලබා ගැනීමට ස්ථිර නුසුදුසුකමක් පවා ඇති කළ හැකි බව එය අවධාරණය කළේය
මෙම මතක් කිරීම එක්සත් ජනපද සංක්‍රමණ නොවන වීසා අයදුම් කිරීමේ ක්‍රියාවලිය හා සම්බන්ධ මූල්‍ය සූදානම සහ ලියකියවිලි අපේක්ෂාවන් අනාගත සංචාරකයින් තේරුම් ගන්නා බව සහතික කිරීම අරමුණු කර ගෙන ඇත.
