කාලගුණ විද්‍යා දෙපාර්තමේන්තුවේ ස්වභාවික විපත් පිළිබඳව පූර්ව අනතුරු ඇඟවීමේ මධ්‍යස්ථානය විසින් අද (12) දින පෙ.ව. 11.00 ට ඉදිරි කාලගුණය පිළිබඳව විශේෂ නිවේදනයක් නිකුත් කර ඇත.
හෙට (13) දින වන විට ගිනිකොණදිග බෙංගාල බොක්ක මුහුදු ප්‍රදේශය ආශ්‍රිතව අඩු පීඩන කලාපයක් වර්ධනය විය හැකි බවත්, මෙම පද්ධතියේ බලපෑම හේතුවෙන් දිවයින සහ දිවයින වටා වන ගැඹුරු සහ නොගැඹුරු මුහුදු ප්‍රදේශවල වැසි තත්ත්වයේ වැඩි වීමක් ඉදිරි දිනවල බලාපොරොත්තු වන බවත් එම නිවේදනයේ වැඩි දුරටත් සඳහන් වේ.
