1996 අංක 2 දරන ධීවර හා ජලජ සම්පත් පනත අවලංගු කිරීමට නියමිත බව ධීවර හා ජලජ සම්පත් දෙපාර්තමේන්තුවේ අධ්යක්ෂ ජනරාල් සුසන්ත කහවත්ත මහතා සන්ඩේ මෝර්නිං පුවත්පතට පවසා ඇත.
නීති විරෝධී, වාර්තා නොකළ සහ නියාමනය නොකළ (IUU) මසුන් ඇල්ලීමට දැඩි ලෙස දඬුවම් කරන නව සහ වැඩිදියුණු කළ පනතක් මෙම වසර අවසන් වන විට ක්රියාත්මක කිරීමට නියමිත බව ද ඔහු පැවසුවේය.
මේ සම්බන්ධයෙන් වැඩි දුරටත් අදහස් දක්වමින් කහවත්ත මහතා මෙසේ ද පැවසුවේය, “දේශීයව මෙන්ම ජාත්යන්තරව ද සමහර දේවල් වෙනස් වී තිබෙනවා. එබැවින් මෙම වෙනස්කම් සලකා බලා, 1996 අංක 2 දරන ධීවර හා ජලජ සම්පත් පනත අවලංගු කර, නව පනතක් සකස් කර තිබෙනවා. එය කැබිනට් මණ්ඩලයට ඉදිරිපත් කර එහි අනුමැතිය ලැබුණු පසු නීති කෙටුම්පත්කරු වෙත යවා තිබෙනවා. නීති කෙටුම්පත්කරුගෙන් අවසර ලැබුණු පසු, අපි එය නැවත කැබිනට් මණ්ඩලයට ඉදිරිපත් කර, පාර්ලිමේන්තුවට ඉදිරිපත් කරනවා. ඒ අනුව මෙම වසර අවසන් වීමට පෙර නව පනත සම්මත කර ගැනීමට අපි බලාපොරොත්තු වෙනවා”
මීට අමතරව පවතින පනතෙන් බැහැර ක්ෂේත්ර ආවරණය වන පරිදි නව නීති කිහිපයක් නව පනත් කෙටුම්පතට එකතු කර ඇති බව කහවත්ත මහතා පැවසුවේය.
