ඇමරිකා එක්සත් ජනපදය සහ ටෙහෙරානය අතර සාම ගිවිසුමක් බිඳ වැටෙනන්ට පටන් ගත් විට ඉරානයට නැවතත් “දැඩිව” බෝම්බ හෙළන බවට ජනපති ට්රම්ප් අද (08) තර්ජනය කළේය.
ඉරානය සමඟ අන්තර්කාලීන සාම ගිවිසුමක් අත්සන් කිරීමෙන් මාසයකට පසුව, ට්රම්ප් තුර්කියේ පැවැත්වෙන නේටෝ සමුළුවේදී ඉරානයට එරෙහිව අසාමාන්ය ප්රහාරයක් දියත් කරමින්, එරට පාලන තන්ත්රය “ජරාවක්” ලෙස හැඳින්වූ අතර “මට තවදුරටත් ඔවුන් සමඟ කටයුතු කිරීමට අවශ්ය නැත” යනුවෙන් පැවසීය.
ට්රම්ප්ගේ මෙම අදහස් පළ වූයේ හෝමූස් සමුද්ර සන්ධිය හරහා ගමන් කරන නැව් තුනකට ඉරානය එල්ල කළ ප්රහාරවලට ප්රතිචාර වශයෙන් ගිවිසුමට එකඟ වූ දා සිට එක්සත් ජනපද හමුදා ඉරාන ඉලක්ක වෙත එල්ල කළ දැවැන්ත ප්රහාර රැල්ලෙන් දිනකට පසුවය. කටාර් සහ කුවේට් හි ඇමරිකානු ගුවන් කඳවුරුවලට පහර දීමෙන් ටෙහෙරානය පළිගත්තේය.
නවතම ප්රහාර පූර්ණ ගැටුමකට නැවත පැමිණීමක් දක්වා වර්ධනය විය හැකි බවට ලකුණක් ලෙස ට්රම්ප් අද (08) වාර්තාකරුවන්ට මෙසේ පැවසීය: “මම පොඩි අනතුරු ඇඟවීමක් කරන්නම්: අපි අද රාත්රියේ ඔවුන්ට දැඩි ලෙස පහර දෙනවා”
ජෙරුසලම් පෝස්ට් පුවත්පතට අනුව, ට්රම්ප් සමඟ සමුළුවට සහභාගී වන ආරක්ෂක ලේකම් පීට් හෙග්සෙත්, ඊශ්රායලයට යන ගමන අවලංගු කර ඇති බව වාර්තා වේ.
නේටෝ මහලේකම් මාර්ක් රූට් ඉරානයට ප්රහාර දියත් කිරීමට ට්රම්ප් ගත් තීරණය ආරක්ෂා කළේය.
කාර්ග් දූපත, කෙෂ්ම් දූපත සහ සිරික් සහ බන්ඩාර් අබ්බාස් වරාය නගරවල ප්රහාර එල්ල වූ බව රාජ්ය මාධ්ය වාර්තා කිරීමත් සමඟ ඉරාන කුඩා බෝට්ටු දුසිම් ගණනකට පහර දෙන ලදී.
“ඔබට සටන් විරාමයක් ඇති විට සහ ඉරානය මූලික වශයෙන් සටන් විරාමය උල්ලංඝනය කරන විට, එක්සත් ජනපදය ප්රතිචාර දැක්වීම සම්පූර්ණයෙන්ම තීරණාත්මක යැයි මම සිතමි,” රූට් වාර්තාකරුවන්ට පැවසීය.
