අයාලේ යන බළලුන් සහ බල්ලන් රැකබලා ගැනීමට ප්රදේශයේ රැඳී සිටි ශ්රී ලාංකික කාන්තාවක් දකුණු ලෙබනනයට එල්ල වූ ඊශ්රායල ගුවන් ප්රහාරයකින් මිය ගොස් ඇති බව වාර්තා වේ.
රහ්මා ලෙස හඳුනාගෙන ඇති කාන්තාව, පවතින ගැටුම නොතකා පිටව යාම ප්රතික්ෂේප කර ඇති බවත් ඒ වෙනුවට අතහැර දැමූ සතුන් රැකබලා ගැනීම සඳහා රැඳී සිටීමට තෝරාගෙන ඇති බවත් වාර්තා වේ. සමාජ මාධ්ය සටහන් සහ කලාපීය වාර්තා පැවසුවේ දකුණු ලෙබනයට එල්ල වූ ඊශ්රායල ගුවන් ප්රහාරයකින් ඇය මිය ගිය බවයි.
සටන් විරාම ගිවිසුමක් නොතකා දකුණු ලෙබනනය පුරා ඊශ්රායල හමුදා මෙහෙයුම් අඛණ්ඩව සිදුවෙමින් තිබියදී මෙම සිදුවීම සිදු විය. කලාපයේ මෑත කාලීන ඊශ්රායල ප්රහාරවලින් සිවිල් වැසියන් කිහිප දෙනෙකු මිය ගොස් පුළුල් විනාශයක් සිදුවී ඇති බව අල් ජසීරා වාර්තා කරයි.
වාර්තා වූ මරණය සම්බන්ධයෙන් ශ්රී ලංකා බලධාරීන් නිල ප්රකාශයක් නිකුත් කර නොමැත.
