තමන්ව අත්අඩංගුවට ගෙන රිමාන්ඩ් භාරයට පත් කිරීමට කොළඹ අපරාධ කොට්ඨාසය විසින් කරනු ලැබූ තීරණය අභියෝගයට ලක් කරමින් අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර මහතා ඇතුළු තිදෙනෙකු විසින් ඉදිරිපත් කළ මූලික අයිතිවාසිකම් පෙත්සම් පිළිබඳ විභාගය අවසන් කළ ශ්රේෂ්ඨාධිකරණය එහි තීන්දුව ප්රකාශයට පත් කිරීම කල් තැබීය.
මෙම පෙත්සම් අගවිනිසුරු ප්රීති පද්මන් සූරසේන, විනිසුරු අචල වෙන්ගප්පුලි සහ විනිසුරු ගිහාන් කුලතුංග යන ත්රිපුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේ අද (14) දින කැඳවන ලදී.
ව්යාපාරික මොහොමඩ් සියාම් ඝාතනය සම්බන්ධයෙන් සිදු කරන ලද පරීක්ෂණ සම්බන්ධයෙන් තම සේවාදායකයින් නීති විරෝධී ලෙස අත්අඩංගුවට ගෙන රිමාන්ඩ් භාරයට පත් කර ඇති බවට පෙත්සම්කරුවන්ගේ නීතිඥවරු තර්ක කළහ. මෙම අත්අඩංගුවට ගැනීම් පෙත්සම්කරුවන්ගේ මූලික අයිතිවාසිකම් උල්ලංඝනය කරන බව ඔවුහු තවදුරටත් කියා සිටියහ.
වගඋත්තරකරුවන් ලෙස නම් කර ඇති කොළඹ අපරාධ කොට්ඨාශයේ නිලධාරීන් වෙනුවෙන් පෙනී සිටි නීතිඥවරු කියා සිටියේ අත්අඩංගුවට ගැනීම් අධිකරණ නියෝගයකට අනුව සිදු කළ බවයි.
දෙපාර්ශ්වයේම ඉදිරිපත් කිරීම්වලට සවන් දීමෙන් පසු ශ්රේෂ්ඨාධිකරණය නඩු කටයුතු අවසන් කළ අතර ලිඛිත කරුණු ඇත්නම් ඒවා මාසයක් ඇතුළත ගොනු කරන ලෙස නියෝග කළේය.
