අල් ජසීරා – අගමැති බෙන්ජමින් නෙතන්යාහුගේ රජයට සහ දකුණු ලෙබනනයට එල්ල වන අඛණ්ඩ ප්රහාරවලට එරෙහිව ඊශ්රායල ජාතිකයින් දුසිම් ගණනක් ටෙල් අවිව්හි රාත්රියේ විරෝධතා දක්වා තිබේ.
ඉරානයට සහ ලෙබනනයට එරෙහි යුද්ධය සහ අභ්යන්තර ආතතීන් යන දෙකම මධ්යයේ මෙම වසර අගදී මහ මැතිවරණයක් අපේක්ෂා කෙරේ.
“මම මෙහි සිටින්නේ රජයට එරෙහිව විරෝධතා දැක්වීමටයි, එය ව්යාසනයක්. අපේ රජය වැරදි මාර්ගයක ගමන් කරමින් සිටිනවා. ඔවුන් මහජනතාවට බොරු ප්රවෘත්ති, බොරු සමඟ පෝෂණය කරමින් සිටින අතර, අපි සියල්ලෝම එයට විරුද්ධ විය යුතුයි” 83 හැවිරිදි විශ්රාමිකයෙකු වන ඩේවිඩ් අල්කන් රොයිටර් පුවත් සේවයට පැවසීය.
“ඉරානය අපේ සතුරා යැයි මම සිතනවා, නමුත් ඉරානය අපේභයානකම සතුරා නොවේ. වඩාත්ම භයානක සතුරා අභ්යන්තරයයි. හමුදාවට යාම ප්රතික්ෂේප කරන සහ වැඩ නොකරන අය ඒ අතර ප්රධානයි. ඒ වගේම බදු නොගෙවන සහ පරපෝෂිතයන් ලෙස අපගේ ආදායම් බද්ද නිසා ජීවත් වන අය අපේ ප්රධාන හතුරන්” ඔහු තවදුරටත් පැවසීය.
විරෝධතා වල වීඩියෝවක, “ජන සංහාරය නවත්වන්න”, “ඔක්තෝබර් හත අමතක කරන්න” සහ “බිබී එස්කොබාර්” යන පුවරු රැගෙන විරෝධතාකරුවන් කිහිප දෙනෙකු සිටිනු දක්නට ලැබේ. එය කොලොම්බියාවේ හිටපු මත්ද්රව්ය ජාවාරම්කරුවෙකු සහ කාටෙල් නායකයෙකු වන පැබ්ලෝ එස්කොබාර්ගේ වාසගම සහිත නෙතන්යාහුගේ අන්වර්ථ නාමයයි.
අල් ජෂීරා ඇසුරීනි.
