QR කේතය බාගත කර ගැනීමට නොහැකි වූ, ලියාපදිංචි වීමට අපොහොසත් වූ හෝ මෙතෙක් QR පාදක ඉන්ධන බෙදාහැරීම යටතේ ලබා ගැනීමට නොහැකි වූ පුද්ගලයින් සඳහා අද (19) දින ඉන්ධන මිලදී ගැනීමට විශේෂ අවස්ථාවක් ලබා දී ඇති බව ලංකා ඛනිජ තෙල් නීතිගත සංස්ථාව පවසයි.
මේ වන විට මිලියන 5කට ආසන්න පරිශීලකයින් සංඛ්යාවක් QR පද්ධතිය යටතේ ලියාපදිංචි වී ඇති බව ද සංස්ථාව හෙළි කළේය.
ඉන්ධන පිරවුම්හල්වල ඔත්තේ-ඉරට්ටේ අංක තහඩු ක්රමය භාවිතා කරමින් QR කේත පද්ධතිය යටතේ ඉන්ධන බෙදා හැරීමට පියවර ගෙන ඇති බව සංස්ථාව වැඩි දුරටත් සඳහන් කළේය.
වාහන අංක තහඩුවේ අවසාන අංකය මත පදනම්ව මෙම පද්ධතිය ක්රියාත්මක වන බවත් 0 න් අවසන් වන හෝ ඉරට්ටේ අංකයක් සහිත වාහන ඉරට්ටේ දිනවලදී ඉන්ධන ලබා ගැනීමට සුදුසුකම් ලබන අතර, ඔත්තේ අංකයකින් අවසන් වන අයට ඔත්තේ දිනවලදී ඉන්ධන ලබා ගත හැකි බව ද ලංකා ඛනිජ තෙල් නීතිගත සංස්ථාව පැවසුවේය.
