පාසල් ප්රවාහන සේවා සඳහා වෙන් කර ඇති ඉන්ධන කෝටාව ප්රමාණවත් නොවන බව සමස්ත ලංකා පාසල් ළමා ප්රවාහන සංගමයේ සභාපති ලලිත් චන්ද්රසිරි මහතා පවසයි.
පාසල් දැනට සුපුරුදු පරිදි පවත්වා ගෙන යන බවත්, පවතින ඉන්ධන කෝටාව සිසුන් ප්රවාහනය කිරීමට ප්රමාණවත් නොවන බවත් ඔහු පැවසීය.
තම ගැටලු සම්බන්ධයෙන් බලධාරීන් දැනුවත් කිරීමට දුෂ්කර බව ද ඔහු සඳහන් කළේය.
“ මීට පෙර පැවැති ආණ්ඩුවල විෂයභාර අමාත්යවරුන්ට අපේ ගැටලු ගැන කතා කිරීමට අවස්ථාව තිබුණා. නමුත් වත්මන් ආණ්ඩුවේ අමාත්යවරු අපේ දුරකථනවලට පවා පිළිතුරු දෙන්නේ නැහැ,” ඔහු පැවසීය.
පෙර අර්බුදයේදී QR ක්රමය මුලින්ම හඳුන්වා දීමට පෙර, කෝටා තීරණය කිරීමට පෙර බලධාරීන් ප්රවාහන සැපයුම්කරුවන්ගෙන් ඔවුන්ගේ සැබෑ ඉන්ධන භාවිතය පිළිබඳව උපදෙස් ලබා ගත් බව චන්ද්රසිරි සිහිපත් කළේය.
“මෙවර එවැනි සංවාදයක් හෝ අපේ අදහස් විමසා බැලීමක් සිදු වුණේ නැහැ. ඒ නිසා මෙවර අපට වෙන්කර තිබෙන ඉන්ධන ප්රමාණය කිසිසේත් ප්රමාණවත් නැහැ. මේ ගැන අපි අපේ දැඩි කණස්සල්ල පළ කරනවා. මේ තත්ත්වය තුළ පාසල් ළමුන් ප්රවාහනය දුෂ්කර වෙන්න පුළුවන්” ඔහු වැඩි දුරටත් පැවසුවේය.
