දකුණු ඉන්දීය දෙමළ සිනමාවේ සුපිරි නළුවෙකු සහ දේශපාලනඥයෙකු වන ජෝසප් විජේ චන්ද්රසේකර් හෙවත් ‘තලපති’ගේ ශ්රී ලාංකික සම්භළුයක් ඇති බිරිඳ වන සංගීතා විජේගෙන් දික්කසාද වීමට පවුල් අධිකරණයේ දික්කසාද නඩුවක් ගොනුර ඇත.
විජේට නිළියක් සමඟ ඇති අනියම් සම්බන්ධතාවක් මීට හේතුව බව පැවසේ.
දශක තුනක දීර්ඝ සිනමා ජීවිතය, බොක්ස් ඔෆිස් ජයග්රහණ සහ ‘තලපති’ ලෙස දැවැන්ත රසික පිරිසක් සඳහා ප්රසිද්ධ විජේ සැමවිටම තම පෞද්ගලික ජීවිතය රහසක්ව තබා ගත්තේය. විවාහ අසමගිය පිළිබඳ හදිසි හෙළිදරව්ව ඔහුගේ සිනමා සහ දේශපාලන ජීවිතයේ බරපතළ කම්පන තරංග ඇති කර තිබේ.
ඉන්දී මාධ්යවලට අනුව සංගීතා චෙංගල්පත්තු පවුල් අධිකරණයේ දික්කසාදය සඳහා පෙත්සමක් ගොනු කර ඇති අතර (ඇයගේ පෙත්සමේදී) විජේ නිළියක් සමඟ අනියම් සම්බන්ධතාවයක් පවත්වන බවට චෝදනා කර ඇති අතර එම හේතු මත දික්කසාද වීමට ඉල්ලා ඇති බව කියැවේ.
තලපති විජේ 1999 දී ශ්රී ලාංකික සම්භවයක් ඇති සංගීතා සෝර්නලිංගම් සමඟ විවාහ විය. මෙම යුවළට ජේසන් සංජේ සහ දිව්යා ලෙස දරුවන් දෙදෙනෙකු සිටින අතර ඔවුන්ගේ පෞද්ගලික ජීවිතය රහසක්ව තබා ගැනීම සඳහා ප්රසිද්ධ විය.
විජේ යනු නළුවෙකුගෙන් පසු දේශපාලනඥයෙකු බවට පත් වූ පුද්ගලයෙකි. වසර 30කට වැඩි කාලයක් පුරා දිවෙන වෘත්තීය ජීවිතය තුළ ඔහු චිත්රපට 69කට පෙනී සිට ඇති අතර ඉන්දියාවේ වැඩිම වැටුප් ලබන නළුවන් අතරට පැමිණ ඇත. බොක්ස් ඔෆිස් ජයග්රහණ කිහිපයක් ඇති විජේ, පුළුල් පිළිගැනීමක් සහ සම්මාන රාශියක් ලබා ගෙන ඇත. සිනමාවෙන් ඔබ්බට, ඔහු චිත්රපටවලින් ඉවත් වී තමිල්නාඩුව පුරා ශක්තිමත් මහජන සහ රසික පිරිසක් ගොඩනඟා ගැනීමෙන් පසු තමිලගා වෙට්රි කසාගම් නම් තම දේශපාලන පක්ෂය ආරම්භ කළේය.
දෙමළ සිනමාවේ වඩාත්ම බලගතු තරුවක් බවට විජේ සැලකෙන අතර, ඔහු “තලපති” යන අන්වර්ථ නාමය උපයා ගත්තේය – එය තමිල්නාඩුවේ සංස්කෘතික භූ දර්ශනය තුළ නායකත්වය සහ මහජන ආකර්ෂණය සංකේතවත් කරන නමකි.
ඔහුගේ මුල් අවදියේදී, විජේ නිතරම ලැජ්ජාශීලී, ආදරයෙන් පිරුණු තරුණයන් නිරූපණය කළ අතර, සැහැල්ලු හාස්යජනක හා සෙල්ලක්කාර ආදර කතා වල රඟපෑවේය. Coimbatore Mappillai, Kadhalukku Mariyadhai සහ Once More වැනි චිත්රපට ඔහුව ශක්තිමත් පවුල් ආකර්ෂණයක් සහිත විශ්වාසදායක ආදර වීරයෙකු ලෙස ස්ථාපිත කළේය.
Thulladha Manamum Thullum නිකුත් වන විට, ඔහු වැඩි චිත්තවේගීය තීව්රතාවයක් පෙන්නුම් කළ අතර, පුළුල් පරාසයක් ගැන ඉඟි කළේය. 2000 දශකයේ මුල් භාගයේදී ඔහු Kannukkul Nilavu, Priyamaanavale, සහ Shahjahan වැනි ව්යාපෘතිවල ප්රේමය සහ නාට්යමය සමබරතාවය පවත්වා ගත් අතර, ක්රමයෙන් ක්රියාදාම-බර චරිත වැළඳ ගත්තේය.
මූලාශ්රය – Economic Times
