ප්රධාන වැව් සහ ජලාශ 34ක් වාන් දමමින් පවතින බව ආපදා කළමනාකරණ මධ්යස්ථානය අද (19) උදෑසන 6ට නිකුත් කළ නිවේදනයේ දැක්වෙයි. එම නිවේදනයට අනුව,
- අනුරාධපුර දිස්ත්රික්කයේ කලාවැව, රාජාංගණය, නාච්චාදූව, අංගමුව වැව,
- මහනුවර දිස්ත්රික්කයේ පොල්ගොල්ල, වික්ටෝරියා, රන්දෙණිගල, රන්ටැඹේ ජලාශ,
- කුරුණෑගල දිස්ත්රික්කයේ දැදුරු ඔය,
- අම්පාර දිස්ත්රික්කයේ සේනානායක සමුද්රය
වාන් දමමින් තිබෙන ජලාශ අතර වේ.
කලා වැවේ වාන් දොරටු දෙක අඩි 6 බැගින් විවෘත කර තිබෙන අතර රාජාංගණය ජලාශයේ වාන් දොරටු 4ක් අඩි 5 බැගින් සහ තවත් වාන් දොරටු 2ක් අඩි 4 බැගින් විවෘත කිරීමට පියවර ගෙන ඇත.
නාච්චාදූවේ වාන් දොරටු 4ක් අඩි 4 බැගින් සහ තවත් වාන් දොරටු 3ක් අඩි 2 බැගින් විවෘත කර ඇති අතර අංගමුව ජලාශයේ වාන් දොරටු 2ක් අඩි 2 බැගින් විවෘත කර ඇති ද ආපදා කළමනාකරණ මධ්යස්ථානය නිකුත් කළ නිවේදනයේ වැඩි දුරටත් සඳහන් වේ.
