අද (20 වැනි සඳුදා) පස්වරුවේ ජපානයේ ඊසානදිග වෙරළට ඔබ්බෙන් රික්ටර් මාපකයේ 7.4ක ප්රබල භූමිකම්පාවක් ඇති වූ බව ජපාන කාලගුණ විද්යා ඒජන්සිය පැවසීය.
ඉවාට්, අමෝරි සහ හොක්කයිඩෝ ප්රාන්තවල මීටර් 3ක් උස සුනාමියක් ඇති බවට කාලගුණ විද්යා ඒජන්සිය අනතුරු ඇඟවීය.
භූමිකම්පාවේ කේන්ද්රය පැසිෆික් සාගරයේ වූ අතර එය කිලෝමීටර 10ක් ගැඹුරින් පැවති බව ජපාන කාලගුණ විද්යා ඒජන්සිය වැඩි දුරටත් සඳහන් කළේය.
භූමිකම්පාව ජපානයේ භූ කම්පන තීව්රතා පරිමාණයෙන් ‘ඉහළ 5’ ලෙස සටහන් විය.
මේ අතර ටෝකියෝ දුම්රිය ස්ථානය සහ ෂින්-අමෝරි දුම්රිය ස්ථානය අතර සේවාව අත්හිටුවා ඇති බව ටොහොකු ෂින්කන්සන් බුලට් දුම්රිය ක්රියාකරු පවසයි.
මූලාශ්රය – Reuters
