දිවයින පුරා ජල සැපයුම් පද්ධති 156ක් අයහපත් කාලගුණයෙන් හානියට පත්ව ඇති බව ජාතික ජල සම්පාදන හා ජලාපවහන මණ්ඩලය පවසයි.
ජාතික ජල සම්පාදන හා ජලපවහන මණ්ඩලයට අනුව දිවයින පුරා ජල සැපයුම් යෝජනා ක්රම 343ක් ක්රියාත්මක වන අතර ඉන් පද්ධති 156ක් ගංවතුර, නායයෑම්, මාර්ග අවහිරතා, විදුලිය ඇනහිටීම් සහ නළ මාර්ග වලට සිදු වූ හානි හේතුවෙන් බලපෑමට ලක්ව ඇත.
අද (02) උදෑසන වන විට, ජල සැපයුම් පද්ධති 126ක් පමණ යථා තත්ත්වයට පත් කර ඇති අතර, තවත් පද්ධති 30ක් පමණ අක්රියව පවතී. ජල සම්පාදන හා ජලාපවහන මණ්ඩල සේවකයින්, විශ්රාමික කාර්ය මණ්ඩල සාමාජිකයින්, ප්රජා ස්වේච්ඡා සේවකයින් සහ ත්රිවිධ හමුදාවේ පිරිස් ප්රතිසංස්කරණ කටයුතු සම්පූර්ණ කිරීම සඳහා පැය විසිහතර පුරාම කටයුතු කරමින් සිටිති.
විශේෂයෙන් ප්රවේශ මාර්ග අවහිර වී ඇති හෝ ජලාපවහනය සඳහා ජලයෙන් යට වී ඇති ප්රදේශවල, සම්පූර්ණ ප්රතිසංස්කරණයට තවත් දින කිහිපයක් ගතවනු ඇතැයි මණ්ඩලය පවසයි.
බස්නාහිර පළාතේ සියලුම ජල සැපයුම් පද්ධති දැනට උපරිම ධාරිතාවයෙන් ක්රියාත්මක වන බව සඳහන් කළ ජල සම්පාදන මණ්ඩලය මහනුවර, පුත්තලම සහ කුරුණෑගල දිස්ත්රික්කවල පද්ධතිවලින් අඩකට වඩා තවමත් අක්රිය තත්ත්වයේ පවතින බව කියයි.
මෙම තත්ත්වය ස්ථාවර වී සම්පූර්ණ ජල සම්පාදන සේවාව යථා තත්ත්වයට පත් වන තුරු ජලය අරපිරිමැස්මෙන් භාවිතා කරන ලෙස ජල සම්පාදන මණ්ඩලය පාරිභෝගිකයින්ට තරයේ අවවාද කරයි.
