ඉන්දීය ගුවන් හමුදාවේ භාවිතා කරන ලද ඉන්දියානු HAL Tejas ප්රහාරක ගුවන් යානය ඩුබායිහි ගුවන් සංදර්ශනය අතරතුර අද (21) කඩා වැටුණේය.
අනතුරෙන් පසු වීඩියෝ දර්ශනවල ගුවන් සංදර්ශනය පවත්වන අල් මක්ටූම් ජාත්යන්තර ගුවන්තොටුපළට ඉහළින් කළු දුමාරයක් නැඟී යන ආකාරය දක්නට ලැබුණි. යානය පාලනයෙන් ගිලිහී ගොස් බිම දෙසට කෙලින්ම කිමිදුණු බවක් පෙනෙන්නට තිබුණි.
අනතුරින් නියමුවා මිය ගිය බව නිවේදනයක් නිකුත් කරමින් ඉන්දීය ගුවන් හමුදාව පසුව තහවුරු කළේය.
“ජීවිත අහිමි වීම ගැන ඉන්දීය ගුවන් හමුදාව දැඩි ලෙස කණගාටු වන අතර මෙම ශෝකජනක අවස්ථාවේදී වියෝ වූ පවුලේ අය සමඟ ස්ථිරව සිටියි,” එම නිවේදනයේ වැඩි දුරටත් සඳහන් විය.
අනතුරට හේතුව සොයා ගැනීම සඳහා විමර්ශන අධිකරණයක් පිහිටුවන බව ද ඉන්දීය ගුවන් හමුදාව නිවේදනය කළේය.
පසුගිය වසරේ, ඉන්දියාවේ වයඹදිග රාජස්ථාන් ප්රාන්තයේදී තේජාස් ප්රහාරක ජෙට් යානයක් කඩා වැටුණු නමුත්, නියමුවා ආරක්ෂිතව පිටතට පැමිණියේය.
Sky News ඇසුරිණි
