මාදිවෙල පාර්ලිමේන්තු මන්ත්රී නිල නිවාස යෝජනා ක්රමයේ මන්ත්රීවරු 111 දෙනෙකු පමණ පදිංචිව සිටිති. ඒ සඳහා ඔවුන් ගෙවන්නේ රුපියල් 2000ක නාමික කුලියකි.
විපක්ෂ මන්ත්රී චමින්ද විජේසිරි මහතා විසින් මතු කරන ලද වාචික ප්රශ්නයකට පිළිතුරු දෙමින් අග්රාමාත්ය හරිනි අමරසූරිය මෙනවිය විසින් පාර්ලිමේන්තුවට ඉදිරිපත් කරන ලද ලිඛිත පිළිතුරකින් මෙම තොරතුරු අනාවරණය විය.
එම තොරතුරුඅනුව මන්ත්රීවරුන් රුපියල් දෙදාහක ආරක්ෂක ගාස්තුවක්ද ගෙවිය යුතු අතර එය පරිශ්රයෙන් ඉවත් වූ පසු ආපසු ගෙවිය හැකි අතර හිඟ මුදල් අඩු කිරීමට යටත් වේ.
නිවාස යෝජනා ක්රමයේ නවාතැන් සඳහා සුදුසුකම් ලබන්නේ පාර්ලිමේන්තු සංකීර්ණයේ සිට කිලෝමීටර් හතළිහකට වඩා දුරින් පෞද්ගලික නිවාස ඇති මන්ත්රීවරුන්ට පමණි.
මෙම වසරේ පසුගිය සැප්තැම්බර් මස පළමු වන දින වන විට සුදුසුකම් නිර්ණායක සපුරා ඇත්තේ එක් නව අයදුම්කරුවකු පමණක් බවද වාර්තාවේ.
එම යෝජනා ක්රමයේ මුළු දෙමහල් නිවාස 120ක් පවතින අතර ඒ සෑම එකක්ම ආසන්න වශයෙන් වර්ග අඩි 900 ක් පමණ වේ.
ඇම්.ඩී. ධර්මසිරි
