දැඩි නියඟ තත්ත්වය හේතුවෙන් අනුරාධපුර දිස්ත්රික්කයේ වැව් 612ක ජල මට්ටම 5% ට වඩා පහත වැටී ඇති බව දිස්ත්රික් ලේකම් රංජිත් විමලසූරිය මහතා පැවසීය.
දිස්ත්රික්කයේ කුඩා වාරිමාර්ග වැව් 2,410 න් 788ක් ද සම්පූර්ණයෙන්ම පාහේ සිඳී ගොස් ඇති බව ද ඔහු වැඩි දුරටත් සඳහන් කළේය.
වේගයෙන් පහත වැටෙන ජල මට්ටම පානීය ජලය ලබා ගැනීමේ දුෂ්කරතා ඇති කර ඇති අතර කෘෂිකාර්මික කටයුතු සහ වනජීවීන්ගේ ජල අවශ්යතාවයන්ට දැඩි ලෙස බලපා ඇති බව ද ඔහු වැඩි දුරටත් සඳහන් කළේය.
අද (31) මාධ්ය වෙත අදහස් දක්වමින් දිස්ත්රික් ලේකම් විමලසූරිය මහතා පැවසුවේ සාමාන්යයෙන් ජූලි සිට ඔක්තෝබර් දක්වා රජරට කලාපයේ නියඟ තත්ත්වයන් අත්විඳිය හැකි බවයි. කෙසේ වෙතත්, මෙම වසරේ තත්ත්වය පෙර වසරවලට සාපේක්ෂව වඩාත් දරුණු බව ද දිස්ත්රික් ලේකම්වරයා පැවසුවේය.
