රජයේ ආර්ථික කළමනාකරණය කෙරෙහි විශ්වාසය පහත වැටීම හේතුවෙන් රුපියලේ හුවමාරු අනුපාතය රුපියල් 342ක් දක්වා ඉහළ ගොස් ඇති බවත්, නිල නොවන වෙළඳපොළ විනිමය අනුපාතය රුපියල් 345 ට වඩා ඉහළ ගොස් ඇති ආචාර්ය හර්ෂ ද සිල්වා පවසයි.
“මුදල් වෙළෙඳපොළ බොහෝ දුරට විශ්වාසය මත ක්රියාත්මක වෙන්නේ. රුපියලේ වටිනාකම කළමනාකරණය කිරීමට රජයට ඇති හැකියාව පිළිබඳ විශ්වාසය ක්රමයෙන් දුර්වල වෙමින් පවතින තත්ත්වය තුළ එය තව දුරටත් අවප්රමාණය විය හැකියි. මේ වන විට එක්සත් ජනපද ඩොලරයක නිල හුවමාරු අනුපාතය රුපියල් 342ක් වුව ද නිල නොවන වෙළෙඳපොළ තුළ එය රුපියල් 345 දක්වා ඉහළ ගොස් තිබෙනවා. පොලි අනුපාත ඉහළ නැංවීම ඇතුළු මෑත කාලීන පියවර, රුපියල එහි පහත වැටීමේ ප්රවණතාවය නැවත ආරම්භ කිරීමට පෙර තාවකාලික සහනයක් පමණයි. ආනයනකරුවන් නව සීමාවන්ට පෙර විවෘත කරන ලද ණයවර ලිපි පියවීමට පටන් ගන්නා විට විදේශ මුදල් සඳහා ඉල්ලුම වැඩි වෙනවා. එවිට රුපියල යළි අවප්රමාණය විය හැකියි.
සමහර විදේශීය ශ්රී ලාංකිකයන් රුපියල තවදුරටත් අවප්රමාණය වීමේ අපේක්ෂාවෙන් ප්රේෂණ ප්රමාද කරමින් සිටි අතර, ඇතැම් අපනයනකරුවන් ද එම හේතුව නිසා අපනයන ඉපැයීම් අත්හිටුවමින් සිටින බව ආචාර්ය හර්ෂ පැවසුවේය.
