2026 වසරේ දෙවන කාර්තුව සඳහා ලංකා විදුලිබල මණ්ඩලය විසින් ඉදිරිපත් කරන ලද ගාස්තු සංශෝධන යෝජනාව පිළිබඳ මහජන අදහස් දැක්වීම පෙබරවාරි 25 වන දින ආරම්භ වන බව ශ්රී ලංකා මහජන උපයෝගීතා කොමිෂම පවසයි.
මාර්තු 18 වන දින දක්වා ලිඛිත හා වාචික ඉදිරිපත් කිරීම් පිළිගන්නා අතර උපදේශන ක්රියාවලිය පළාත් නවයම ආවරණය කරන බවත් මහජන උපයෝගීතා කොමිෂම වැඩි දුරටත් පවසයි.
2026 දෙවන කාර්තුව සඳහා, එනම් අප්රේල් 1 සිට ජුනි 30 දක්වා, විදුලි ගාස්තු සියයට 13.56 කින් වැඩි කිරීමට විදුලිබල මණ්ඩලය අනුමැතිය ඉල්ලා ඇති අතර එම ගාස්තු සංශෝධනය සම්බන්ධයෙන් මෙම මහජන අදහස් විමසීම සිදුවේ.
