2026.09.19 දින දහවල් බඩල්ගම පොලිස් වසමේ පේරගහමංකඩ ප්රදේශයේ මාඔයේ දිය නෑමට ගිය තරුණයෙකු හා තරුණියන් තිදෙනෙකු දියේ ගිලී ඇති බවට බඩල්ගම පොලිස් ස්ථානයට ලද තොරතුරක් මත පොලිස් නිලධාරීන් විසින් ප්රදේශවාසීන්ගේද සහාය ඇතිව මෙහෙයුමක් දියත් කර දියේ ගිලී අතුරුදන්ව සිටි සිව් දෙනාගේ මෘත ශරීර සොයා ගෙන ඇත.
මරණකරු අවුරුදු 25 ක් වූ ඔහීය ප්රදේශයේ පදිංචිකරුවෙකු වන අතර මරණකාරියන් අවුරුදු 19, 20 හා 28 වයස්වල පසු වූ දෙමෝදර ප්රදේශයේ පදිංචිකාරියන් වේ.
මරණකරු හා මරණකාරියන් බඩල්ගම පොලිස් වසමේ පෞද්ගලික ආයතනයක රැකියා කරන අයවළුන් බවට විමර්ශනයේදී අනාවරණය වී ඇත. මෘත ශරීර පශ්චාත් මරණ පරීක්ෂණ කටයුතු සඳහා මීගමුව රෝහලේ මෘත ශරීරාගාරයේ තැන්පත් කර ඇත.
බඩල්ගම පොලිසිය විසින් වැඩිදුර විමර්ශන සිදු කරනු ලබයි.
