රෝහල් බාහිර රෝගී අංශවල හදිසි අනතුරු ආශ්රිත තුවාල සඳහා ප්රතිකාර ලබන රෝගීන්ගෙන් 70%ක් සතුන් විසින් සපා කෑමට ලක් වූ පුද්ගලයින් බව සෞඛ්ය අමාත්යාංශයේ බෝ නොවන රෝග ඒකකය පැවසුවේය.
එම එ්කකය පවසන්නේ මෙම අනතුරුවලින් බහුතර සංඛ්යවක් පහසුවෙන් වළක්වා ගැනීමට හැකියාව පවතින බවයි.
“තත්වයන් වෙනස් වුව ද, ප්රතිඵලය බොහෝ විට සමාන වේ, එය බොහෝ විට වළක්වා ගත හැකිව තිබූ ක්ෂණික වෛද්ය ප්රතිකාර අවශ්ය වන තුවාලයකි.
මෙම සංඛ්යා දත්ත සැබෑ තත්ත්වය පිළිබිඹු නොකරන බවත් සත්ත්ව සපා කෑම්වලට ලක්වන සැබෑ සංඛ්යාව මීට වඩා බෙහෙවින් ඉහළ බවත් බෝ නොවන රෝග ඒකකය වැඩි දුරටක් පැහැදිලි කළේය.
නමුත් ඔවුන් පවසන්නේ සත්ත්ව සපා කෑම් හේතුවෙන් සුළු තුවාල ලබන පුද්ගලයින්ට නිසි වෛද්ය ප්රතිකාර නොලැබෙන්නේ නම් බරපතළ සෞඛ්ය අවදානම් මතු විය හැකි බවයි.
“බොහෝ දරුණු රෝගීන්ට රෝහල්ගත වීම අවශ්ය වන අතර අනෙක් ඒවා වාර්තා නොකෙරේ හෝ ප්රමාද වී ප්රතිකාර කරනු ලැබේ. මෙම තත්ත්වය කිසිසේත් යහපත් නැ. මෙවැනි තත්ත්ව යටතේ අදාළ පුද්ගලයින්ට සංකූලතා ඇතිවීමේ අවදානම වැඩි කරන අතර බොහෝ විට සුළු තුවාල ලෙස සැලකෙන සත්ව දෂ්ට කිරීම්, ප්රතිකාර ප්රමාද වුවහොත් ඉක්මනින් බරපතල විය හැකිය”
වාර්ෂිකව මිලියන ගණනක් වන සත්ත්ව සපා කෑම් පුළුල් මහජන සෞඛ්ය අභියෝගයක් බවට පත්ව ඇත.
සෞඛ්ය අමාත්යාංශයේ බෝ නොවන රෝග ඒකකය පැවසුවේ මෙම අනතුරු බොහොමයක් වළක්වා ගත හැකි බවයි. නිසි සත්ව රැකවරණය, සුරතල් සතුන්ට එන්නත් කිරීම, නිසි අපද්රව්ය කළමනාකරණය, මහජන දැනුවත්භාවය වැඩි දියුණු කිරීම සහ කාලෝචිත ප්රථමාධාර වැනි පියවර මගින් අවදානම් සැලකිය යුතු ලෙස අඩු කළ හැකි බව ද ඔවුන් පෙන්වා දුන්නේ.
