සිය ඉල්ලීම් ලබා දීමට කඩිනම් පියවර නොගන්නේ නම් ජුනි 30 වන දින සිට දිවයින පුරා ප්රකාශයට පත්කර ඇති වෘත්තීය සමිති ක්රියාමාර්ගයට සමගාමීව ඩෙංගු මර්දන රාජකාරිවලින් ඉවත් වීමට සිදුවිය හැකි බවට ශ්රී ලංකා ග්රාම නිලධාරී ජාතික සංගමයේ ජාතික සංවිධායක බුද්ධික රංගන මහතා අනතුරු අඟවයි.
බුද්ධික රංගන මහතා පැවසුවේ සියලුම ග්රාම නිලධාරී සංගම් සහ ආපදා කළමනාකරණ නිලධාරීන්ගේ සංගම් නියෝජනය කරන නිලධාරීන් නොවිසඳුණු ගැටලු කිහිපයක් සම්බන්ධයෙන් ජූනි 30 වැනිදා සිට දිවයින පුරා වෘත්තීය සමිති ක්රියාමාර්ගය දියත් කිරීමට තීරණය කර ඇති බවයි.
නිල ගමන් වියදම් පියවා ගැනීම සඳහා ප්රමාණවත් ඉන්ධන දීමනාවක් ලබා දීම ඇතුළු ග්රාම නිලධාරීන්ගේ ඉල්ලීම් සම්බන්ධයෙන් රජයෙන් සතුටුදායක ප්රතිචාරයක් තවමත් ලැබී නොමැති බව ද ඔහු පැවසීය.
