පසුගිය සතියේ අතුරුදහන් වූ ඉතාලි ස්කූබා කිමිදුම්කරුවන් සිව් දෙනාගේ මළ සිරුරු මුහුදු ගුහාවක තිබී සොයා ගත් බව අද (18) මාලදිවයින් රජය ප්රකාශ කළේය.
පසුගිය බ්රහස්පතින්දා (14) වාවු ඇටෝල් ගුහා ගවේෂණය කරමින් සිටියදී ඉතාලි ජාතිකයින් පස් දෙනෙකු අතුරුදන් වූ අතර, ඔවුන්ගේ දේහය සොයා ගැනීමට විශේෂ මෙහෙයුමක් දියත් කරනු ලැබුවේය.
එදිනම වංකගිරියක් වැනි දිය යට ගුහාවලට ඇතුළු වන ස්ථානයේ දී එක් මළ සිරුරක් සොයා ගන්නා ලදී. මියගිය අනෙක් සිව්දෙනාගේ දේහය සොයා ගැනීමට ජාත්යන්තර ගුහා කිමිදුම්කරුවන් මාලදිවයින් විශේෂඥයින් සමඟ එක් විය.
හමුදා කිමිදුම්කරුවෙකු මිය යාමෙන් පසු මෙහෙයුම තාවකාලිකව අත්හිටුවීමෙන් පසු අද මෙහෙයුම නැවත ආරම්භ විය.
ගෝලීය ස්කූබා ආරක්ෂක කණ්ඩායමක් වන කිමිදුම් අනතුරු ඇඟවීමේ ජාලයේ (DAN) ෆින්ලන්ත කිමිදුම්කරුවන් තිදෙනෙකු ඉරිදා නව උපාය මාර්ගයක් සංවර්ධනය කිරීම සඳහා සිව්වන විශේෂඥයෙකු සහ දේශීය වෙරළාරක්ෂක බලකායට එක් විය. මාලදිවයින රජයේ ප්රධාන ප්රකාශක මොහොමඩ් හුසේන් ෂරීෆ්ට අනුව, එක්සත් රාජධානිය සහ ඕස්ට්රේලියාව විසින් විශේෂඥ උපකරණ සපයනු ලැබේ.
මුහුදු ගුහාවේ ගැඹුරුම කොටසේ මළ සිරුරු සොයාගෙන ඇති බවත්, අඟහරුවාදා (19) දින මළ සිරුරු දෙකක් සහ බදාදා (20) දින අනෙක් සිරුරු දෙක සොයා ගැනීමට ගලවා ගැනීමේ කණ්ඩායම් සැලසුම් කර ඇති බවත් ෂරීෆ් පැවසීය.
