2012 දී ග්රීසිය දැඩි ආර්ථික අර්බුදයකට මුහුණ දී සිටියදී ග්රීක බැඳුම්කර ආයෝජන මිලදී ගැනීමෙන් ශ්රී ලංකා රජයට රුපියල් බිලියන 1.84කට වඩා පාඩුවක් සිදු වූ බවට චෝදනා කරමින් අල්ලස් හෝ දූෂණ චෝදනා විමර්ශන කොමිසම හිටපු මහ බැංකු අධිපති අජිත් නිවාඩ් කබ්රාල්ට එරෙහිව කොළඹ මහාධිකරණය හමුවේ නැවත නඩුවක් ගොනු කර තිබේ.
මාස තුනක් ඇතුළත රුපියල් මිලියන 100ක තැන්පතුවක් කළ යුතු බවට අධිකරණය විසින් පනවන ලද කොන්දේසියට අනුකූල වීමට අපොහොසත් වීමෙන් පසු දූෂණ විරෝධී පනතේ 67(5) වගන්තිය යටතේ නඩුව ගොනු කළ බව අල්ලස් කොමිෂම අධිකරණයට දැනුම් දුන්නේය.
රුපියල් මිලියන 100ක ගෙවීමකට යටත්ව නඩුව ඉල්ලා අස්කර ගැනීමට අල්ලස් කොමිෂම මීට පෙර පියවර ගෙන තිබුණ ද, එකඟ වූ කාල සීමාව තුළ අදාළ මුදල තැන්පත් කිරීමට කබ්රාල් අපොහොසත් වීමෙන් පසු මහාධිකරණය හමුවේ නීතිමය කටයුතු නැවත ආරම්භ කර ඇත.
