ගොවිජන සේවා මධ්යස්ථාන හරහා පොහොර බෙදා හැරීමේ ක්රියාවලිය අසාර්ථක වී ඇති බවට ජාතික ගොවිජන එකමුතුව සංවිධානයේ සභාපති අනුරාධ තෙන්නකෝන් පැවසුවේය.
සභාපතිවරයා කියා සිටියේ, ගොවීන්ට මුළු කන්නයේම පොහොර අවශ්යතාවය සඳහා වන සම්පූර්ණ පිරිවැය තනි වාරිකයකින් ගෙවීමට සිදුවන බවයි. රජයේ පොහොර සහනාධාරය ප්රමාණවත් නොවන බවට ද ඔහු චෝදනා කළේය.
ඊයේ (01) ඩේලි මෝර්නින් පුවත්පතට අදහස් දක්වමින් සංවිධානයේ සභාපති අනුරාධ තෙන්නකෝන් පැවසුවේ පෙර ක්රමය යටතේ ගොවීන්ට ඔවුන්ගේ මූල්ය ධාරිතාව මත පදනම්ව හෝ අස්වැන්න නෙළීමෙන් පසු පියවීමට ණය ගිවිසුම් හරහා නගරය පදනම් කරගත් වෙළෙන්දන්ගෙන් පොහොර මිලදී ගැනීමට හැකි වූ බවයි.
නව ක්රමයට සම්පූර්ණ පොහොර පැකේජයක් සඳහා ආසන්න වශයෙන් රුපියල් 75,000ක එකවර ගෙවීමක් අවශ්ය බව ඔහු සඳහන් කළේය. “ගොවීන් සාමාන්යයෙන් අදියර තුනටම එකවර පොහොර මිලදී ගන්නේ නැහැ. ඔවුන්ට වැනි වියදමක් දැරීමට නොහැකියි. පොහොර නොමැතිකම හේතුවෙන් පළමු අදියර මඟ හැරුණු විට, බෝග වර්ධනය දුර්වල වන අතර එය ඍජුව අස්වැන්න අඩුවීමට බලපානවා” ඔහු පැවසීය.
අක්කරයකට යූරියා මිටි පහක්, මියුරියේට් ඔෆ් පොටෑෂ් මිටියක් සහ ට්රිපල් සුපර් පොස්පේට් මිටියක් අවශ්ය බවත් ඒ සඳහා රුපියල් 75,000 ක් පමණ වැය වන බවත් තෙන්නකෝන් මහතා පෙන්නා දුන්නේය.
“මේ මිල ගොවීන්ට එකවර ගෙවීමට හැකියාවක් නැහැ” ඔහු යළි අවධාරණය කළේය.
