ජනලේඛන හා සංඛ්යාලේඛන දෙපාර්තමේන්තුව 2026 ජනවාරි සඳහා ශ්රී ලංකාවේ නිල දරිද්රතා රේඛාව මසකට එක් පුද්ගලයෙකුට රුපියල් 16,730 ක් ලෙස නියම කර ඇත.
මෙම මුදල පුද්ගලයෙකුට සිය මූලික අවශ්යතා සපුරාලීමට අවශ්ය අවම මුදල පිළිබිඹු කරන බව දෙපාර්තමේන්තුව පවසයි.
කොළඹ නගරය රටේ වඩාත්ම මිල අධික දිස්ත්රික්කය වන අතර, කොළඹ දිස්ත්රික්කයේ අත්යවශ්ය ජීවන වියදම් ආවරණය කිරීම සඳහා පුද්ගලයෙකුට මාසිකව රුපියල් 18,044ක් අවශ්ය වේ.
උද්ධමනය සහ වෙනස්වන ආර්ථික තත්ත්වයන් සැලකිල්ලට ගනිමින් අඛණ්ඩව යාවත්කාලීන කරන ලද ජාතික දරිද්රතා රේඛාව, 2021 නව පාදක වර්ෂයක් සමඟ ජාතික පාරිභෝගික මිල දර්ශකය (NCPI) භාවිතයෙන් නැවත ගණනය කර ඇත (පදනම: 2021=100). මූලික අවශ්යතා තීරණය කිරීමේ රාමුව 2012/13 ගෘහස්ථ ආදායම් සහ වියදම් සමීක්ෂණය මත රඳා පවතී.
දශකයක් පුරා පැවති සංසන්දනයකින් ජීවන වියදමේ තියුණු වැඩිවීමක් පෙන්නුම් කරයි. 2012/13 දී, දරිද්රතා රේඛාව මසකට රුපියල් 5,000 ට වඩා තරමක් ඉහළින් පැවති අතර, 2016 වන විට රුපියල් 6,000ක් දක්වා ක්රමයෙන් ඉහළ ගොස් රුපියල් 2019 වන විට එය රුපියල්7,000 ක් දක්වා වර්ධනය විය.
ආර්ථික අර්බුදය සහ උද්ධමනය මෙම වර්ධනය වේගවත් කළ අතර, 2025 මුල් භාගයේදී රේඛාව රුපියල් 16,000 ඉක්මවා ගිය අතර පසුගිය මාසයේ රු. 16,730 දක්වා ළඟා විය.
දිස්ත්රික් මට්ටමේ විශ්ලේෂණයන් දිවයින පුරා සැලකිය යුතු වෙනස්කම් පෙන්නුම් කරයි. කොළඹ දිස්ත්රික්කයේ පුද්ගලයෙකුට 2026 ජනවාරි මාසයේදී මූලික අවශ්යතා සපුරාලීම සඳහා අවම වශයෙන් මසකට රු. 18,044 ක් වැය විය. ගම්පහ රුපියල් 17,951 ක් කළුතර රුපියල් 17,562ක් ලෙස දැක්වේ. මහනුවර රුපියල් 16,983ක්, ගාල්ල රුපියල් 16,998ක් සහ යාපනය රුපියල් 16,327ක් ලෙස දැක්වේ. මොනරාගල දිස්ත්රික්කය අවම අගය වන රුපියල් 15,997ක් වාර්තා කළේය.
