ජාතික ජන බලවේගය ආණ්ඩුවේ ආබාධ සහිත පුද්ගලයන් සඳහා වන “එක්ව අත් නොහැර”; ජාතික ප්රතිපත්තියේ සුවිශේෂී යෝජනාවක් ක්රියාත්මක කිරීමක් බවත්, එම සංවර්ධන ව්යාපෘති කඩිනමින් අවසන් කිරීමට අපේක්ෂා කරන බවත් ආබාධ සහිත පුද්ගලයන් සඳහා වන ජාතික සභාවේ සභාපති, ග්රාමීය සංවර්ධන සමාජ ආරක්ෂණ සහ ප්රජා බලගැන්වීමේ අමාත්ය මහාචාර්ය උපාලි පන්නිල මහතා පැවසීය.
අමාත්යවරයා මේ බව සඳහන් කළේ ඊයේ (29) ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශ ශ්රවණාගාරයේ පැවති ආබාධ සහිත පුද්ගලයන් සඳහා වන ජාතික සභාවේ මාසික රැස්වීමෙන් අනතුරුව මාධ්යවෙත අදහස් දක්වමිනි.
රෝහල්, බස්, දුම්රිය නැවතුම් පොළවල්, පොදු ස්ථාන සහ රජයේ ආයතනවලට ආබාධ සහිත පුද්ගලයන්ට වඩා පහසුවෙන් ප්රවේශ වීම සදහා එම ස්ථාන වල ප්රවේශ පහසුකම් සංවර්ධනය සඳහා රජය මෙවර අයවැයෙන් රුපියල් මිලියන 1000ක් වෙන කර ඇති අතර ඒ සඳහා සංවර්ධන යෝජනා කැඳවීම ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය යටතේ ක්රියාත්මක, ආබාධ සහිත පුද්ගලයන් සඳහා වන ජාතික ලේකම් කාර්යාලය මඟින් මේ වන විට ආරම්භ කර ඇති බව ද අමාත්යවරයා පැවසුවේය.
