පොසොන් උත්සවය වෙනුවෙන් සංවිධානය කරන දන්සැල්වල ආහාර පාන පිළිගැන්වීමේදී ප්ලාස්ටික් සහ පොලිතීන් භාවිතයෙන් වළකින ලෙස ශ්රී ලංකා මහජන සෞඛ්ය පරීක්ෂකවරුන්ගේ සංගමයේ වැඩබලන සභාපති උපුල් රෝහණ මහතා පොසොන් දන්සැල් සංවිධායකයින්ගෙන් විශේෂ ඉල්ලීමක් කරයි.
උපුල් රෝහණ මහතා පැවසුවේ වෙසක් උත්සවය සඳහා ලියාපදිංචි කළ දන්සැල් සංඛ්යාවට වඩා වැඩි දන්සැල් සංඛ්යාවක් පොසොන් උත්සවය වෙනුවෙන් ලියාපදිංචි කර ඇති බවයි. වැඩිම ලියාපදිංචි දන්සැල් සංඛ්යාවක් උතුරු මැද පළාතේ ලියාපදිංචි කර ඇති බව ද ඔහු පැවසුවේය.
මහජන සෞඛ්ය පරීක්ෂකවරුන් විසින් ප්ලාස්ටික් හෝ පොලිතීන් බහාලුම්වල උණුසුම් ආහාර සහ පාන වර්ග පිරිනමන දන්සැල් සමීපව පරීක්ෂා කරන බව ද රෝහණ මහතා පැවසීය.
පොලිතීන්වල උණුසුම් හා සිසිල් ආහාර ගබඩා කිරීම අතිශයින්ම අවදානම් සහගත බවත් මේ පිළිබඳව දැඩි අවධානයක් යොමු කරන ලෙසත් ඔහු දන්සල් සංවිධායකවරුන්ගෙන් දැඩිව ඉල්ලා සිටියේය.
