ඉදිකිරීම් කටයුතු හේතුවෙන් කඩවත අන්තර් හුවමාරුවේ සිට මීරිගම දෙසට මීටර් 500ක දුරකට කොළඹ – මහ නුවර ප්රධාන මාර්ගයේ එක් මංතීරුවක් තාවකාලිකව වසා දමන බව පොලිසිය පැවසීය.
ඉදිකිරීම් කටයුතු අඛණ්ඩව සිදුවන බැවින් කඩවත අන්තර් හුවමාරුවේ සිට බණ්ඩාරවත්ත-පුවක්පිටිය ප්රදේශයේ මාර්ගයේ එක් මංතීරුවක් මේ ආකාරයෙන් 2026 මාර්තු 15 වන දින දක්වා වසා තබන බව පොලිසිය පැවසීය.
මෙම කාලය තුළ රථවාහන සීමා ක්රියාත්මක කෙරෙන අතර, කොළඹට සහ ඉන් පිටතට ගමන් කරන වාහන රියදුරන්ට අපහසුතාව අවම කර ගැනීම සඳහා විකල්ප මාර්ග භාවිතා කරන ලෙස පොලිසිය රියැදුරන්ට උපදෙස් දෙයි.
