ශ්රීලන්කන් ගුවන් සමාගමට එයාර් බස් ගුවන් යානා මිලදී ගැනීමේදී අමෙරිකානු ඩොලර් මිලියන දෙකක අල්ලසක් ලබා ගත්තේ යැයි කියන සිද්ධියක් සම්බන්ධයෙන් රක්ෂිත බන්ධනාගාර ගත කර සිටි එම සමාගමේ හිටපු ප්රධාන විධායක කපිල චන්ද්රසේන මහතා රුපියල් ලක්ෂ 05ක මුදල් ඇප සහ රුපියල් ලක්ෂ 100 බැගින් වූ ශරීර ඇප තුනක් මත මුදා හරින ලෙස කොළඹ ප්රධාන මහේස්ත්රාත් අසංග. එස්. බෝදරගම මහතා අද (05) නියෝග කළේය.
සැකකරුගේ විදේශ ගමන් තහනම් කිරීමට ද මහේස්ත්රාත්වරයා නියෝග කළේය.
මෙම නඩුකරය ඉකුත් 28 වනදා කැඳවූ අවස්ථාවේ දී සැකකාර කපිල චන්ද්රසේන මහතා වෙනුවෙන් පෙනී සිටි ජනාධිපති නීතිඥ රියන්සි අර්කුසලරත්න මහතා විසින් මෙම ඇප ඉල්ලීම ඉදිරිපත් කළත් එම ඇප ඉල්ලීමට අල්ලස් කොමිසම වෙනුවෙන් පෙනී සිටි නිලධාරීන් එදින විරෝධය පළ කළේය.
අද මෙම නඩුව කැඳවනු ලැබූ අවස්ථාවේ දී දෙපාර්ශවය විසින් ඉදිරිපත් කළ කරුණු සලකා බැලූ මහේස්ත්රාත්වරයා විසින් මෙම ඇප ඉල්ලීම පිළිබඳ නියෝගය ප්රකාශයට පත් කළේය.
