ඉරාන රාජ්ය මාධ්ය විසින් දකුණු ඉරානයේ දී විනාශයට පත් F15E ප්රහාරක ගුවන් යානාවේ නියමුවෙකු බේරා ගැනීමට සහභාගී වූ එක්සත් ජනපද C-130 ගුවන් යානයක සුන්බුන් පෙන්වා ඇත.
මෙම යානය විනාශ කිරීමට සිදු වූ බව එක්සත් ජනපදය පැවසූ අතර ඉරාන මාධ්ය කියා සිටියේ එය ඉරාන හමුදා විසින් පහර දී එම යානය විනාශ කළ බවයි.
ජනාධිපති ඩොනල්ඩ් ට්රම්ප් මෙම මෙහෙයුම විස්තර කළේ “වඩාත්ම මාරාන්තික අවි වලින් සන්නද්ධ ගුවන් යානා දුසිම් ගණනක් සම්බන්ධ මෙහෙයුමකින් අතුරුදහන් වූ ගුවන් භටයා සොයා ගත් බවයි.
“ගුවන් භටයා තුවාල ලැබූ නමුත් ඔහු හොඳින් සිටිනවා” යැයි ට්රම්ප් පැවසීය.
විශ්ලේෂකයින් සඳහන් කළේ මෙම ගලවා ගැනීම ගුවන් භටයා ටෙහෙරානයට “කේවල් කිරීමේ අවස්ථාවක්” වීම වළක්වා ඇති බවයි.
ඉරානයේ ටස්නිම් ප්රවෘත්ති ඒජන්සිය හමුදා මූලස්ථානය උපුටා දක්වමින් කියා සිටියේ, “දකුණු ඉස්ෆහාන් කලාපයේ සතුරු ඇමරිකානු ගුවන් යානා කිහිපයක් ඉස්ලාමයේ රණශූරයන් විසින් විනාශ කරන ලද අතර, නියමු ගලවා ගැනීමේ මෙහෙයුම අසාර්ථක විය” යනුවෙනි.
වාර්තාවේ සඳහන් වූයේ බ්ලැක් හෝක් හෙලිකොප්ටර් දෙකක් සහ C-130 ප්රවාහන ගුවන් යානයක් ගැටී ගිනිගෙන ඇති බවයි. දුම් දමන සුන්බුන් පෙන්වන වීඩියෝ ඉරාන මාධ්ය කිහිපයක් ප්රකාශයට පත් කළ නමුත් ඒවායේ සත්යතාව තහවුරු කර ගැනීමට නොහැකි විය.
විශේෂ මෙහෙයුම පිළිබඳව ට්වීට් කිරීමෙන් ට්රම්ප් “තමාගේ දරුණු පරාජය වසන් කිරීමට” උත්සාහ කරන බවට ඉරානය චෝදනා කළේය. ඉරාන පාර්ලිමේන්තු කථානායක මොහොමඩ් බාගර් ගලීබාෆ්, “මෙවැනි තවත් ජයග්රහණ තුනක් එක්සත් ජනපදයට ලැබුණහොත් එය සම්පූර්ණයෙන්ම විනාශ වනු ඇත” යනුවෙන් පවසමින් එක් ඡායාරූපයක් බෙදා ගත්තේය.
F-15E ස්ට්රයික් ඊගල් හි කාර්ය මණ්ඩල සාමාජිකයින් දෙදෙනාම දින කිහිපයක මෙහෙයුමකින් පසු බේරා ගත් බව එක්සත් ජනපදය තහවුරු කළේය. ට්රම්ප් එය “එක්සත් ජනපද ඉතිහාසයේ වඩාත්ම නිර්භීත සෝදිසි කිරීමේ සහ ගලවා ගැනීමේ මෙහෙයුම් වලින් එකක්” ලෙස හැඳින්වූ අතර, දෙවන ගුවන් භටයා දුසිම් ගණනක ගුවන් යානා සහ විශේෂ බලකායන්ගේ සහාය ඇතිව සතුරු දේශසීමාවට ඇතුළතින් සොයා ගන්නා ලදි.
මූලාශ්රය – CNN
