2022 වසරේ ඉන්දියානු ණය යෝජනා ක්රමය යටතේ ලියාපදිංචි නොකළ සමාගමකින් ප්රසම්පාදන ක්රියාවලියට පටහැනිව වෛද්ය සැපයුම් මිල දී ගැනීම තුළින් හිටපු සෞඛ්ය අමාත්ය කෙහෙළිය රඹුක්වැල්ල ඇතුළු නිලධාරීන් පිරිසක් මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය තීන්දු කළේ ය.
වගඋත්තරකාර හිටපු සෞඛ්ය අමාත්ය කෙහෙළිය රඹුක්වැල්ල ඇතුළු සෙසු නිලධාරීන්ගේ ක්රියා කලාපය තුළින් ආණ්ඩුක්රම ව්යවස්ථාවේ 12(1) ව්යවස්ථාව යටතේ සහතික කර තිබෙන “නීතිය ඉදිරියේ සමාන සැලකිලි ලැබීමට ඇති මූලික අයිතිය” උල්ලංඝනය වී තිබෙන බවත් ත්රිපුද්ගල විනිසුරු මඩුල්ල සිය තීන්දුව තුළින් අවධාරණය කළේ ය.
ඒ අනුව, හිටපු සෞඛ්ය අමාත්ය කෙහෙළිය රඹුක්වැල්ල සිය පෞද්ගලික මුදලින් රුපියල් මිලියන 75ක මුදලක් රජයට ගෙවිය යුතු බව නඩු තීන්දුවේ සඳහන් වේ.
ට්රාන්ස්පේරන්සි ඉන්ටර්නැෂනල් ශ්රී ලංකා ආයතනය ඇතුළු පාර්ශව දෙකක් ඉදිරිපත් කළ මූලික අයිතිවාසිකම් පෙත්සම් දෙකක් විභාග කිරීමෙන් අනතුරුව අගවිනිසුරු ප්රීති පද්මන් සූරසේන ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ලක් මෙම තීන්දුව ලබා දුන්නේ ය.
