චීනයේ අභ්යවකාශ මෙහෙයුම් පුහුණුව සඳහා පළමු විදේශීය ගගනගාමීන් ලෙස පකිස්ථාන ගගනගාමීන් දෙදෙනෙකු තෝරාගෙන ඇති බව China Manned Space Agency අද (22)නිවේදනය කළේය.
එය චීන අභ්යවකාශ මධ්යස්ථානයේ ජාත්යන්තර සහයෝගීතාවයේ සුවිශේෂී ජයග්රහණයක් ලෙස ද එම නිවේදනයේ වැඩි දුරටත් සඳහන් විය.
China Manned Space Agency සඳහන් කළේ, මුහම්මද් සීෂාන් අලි සහ කුරාම් ඩවුඩ් පුහුණුව සඳහා ඉක්මනින් චීනයට පැමිණෙන බවයි. සියලුම පුහුණුවීම් සහ ඇගයීම් සම්පූර්ණ කිරීමෙන් පසු, ඔවුන්ගෙන් එක් අයෙකු payload specialist ලෙස අභ්යවකාශ මෙහෙයුමකට සහභාගී වේ.
ටියැන්ගොං අභ්යවකාශ මධ්යස්ථානයට පකිස්ථාන ගගනගාමියෙකුගේ අභ්යවකාශ ගමන පිළිබඳ සහයෝගීතා ගිවිසුමක් 2025 පෙබරවාරි මාසයේදී චීනය සහ පකිස්ථානය අත්සන් කළ අතර, පකිස්ථාන ගගනගාමීන් සඳහා තෝරා ගැනීමේ ක්රියාවලිය නිල වශයෙන් දියත් කරන ලදී. දැඩි පරීක්ෂා වට තුනකින් පසුව, පකිස්ථාන සංචිත ගගනගාමීන් දෙදෙනෙකු අවසානයේ තෝරා ගන්නා ලදී.
ආයතනයට අනුව, පකිස්ථානය සඳහා මෙම අභ්යවකාශගාමීන් තෝරා ගැනීම සහ පුහුණුව චීනයේ අභ්යවකාශ වැඩසටහනේ සන්ධිස්ථානයක් වන අතර අභ්යවකාශ අංශයේ චීන-පකිස්ථාන සර්ව-කාල උපායමාර්ගික සහයෝගීතා හවුල්කාරිත්වයේ තවත් සාර්ථක උදාහරණයකි.
එය චීනයේ විවෘත ආකල්පය සහ එහි අභ්යවකාශ සංවර්ධන ජයග්රහණ ජාත්යන්තර ප්රජාව සමඟ බෙදා ගැනීමට ඇති කැමැත්ත සම්පූර්ණයෙන්ම පෙන්නුම් කරන බව එම ආයතනය පැවසීය.
සියලු මනුෂ්ය වර්ගයාගේ ප්රයෝජනය සඳහා අභ්යවකාශය සාමකාමීව භාවිතා කිරීම සැමවිටම චීනයේ අභ්යවකාශ වැඩසටහන් සංවර්ධනයේ මුල් අභිලාෂය සහ මෙහෙවර වී ඇති බව ඒජන්සිය පැවසීය.
https://english.news.cn/20260422/5eced4ba3c2645f8a1e663f5326b52b5/c.html
