ජාතික විදුලි සම්ප්රේෂණ පද්ධතිය නඩත්තු කිරීමේ නිරත සේවකයින්ට වහාම සේවයට වාර්තා කරන ලෙසත් එසේ කිරීමට අපොහොසත් වීම බරපතළ විනය වරදක් ලෙස සලකනු ඇති බවත් ජාතික සම්ප්රේෂණ ජාල සේවා සැපයුම්කරු (පුද්ගලික) සමාගමේ ප්රධාන විධායක නිලධාරී එන්.එස්. වෙත්තසිංහ විසින් නිකුත් කරන ලද නිවේදනයකින් අනතුරු අඟවා ඇත.
එම නිවේදනයේ වැඩි දුරටත් සඳහන් වන්නේ රටේ විදුලි සම්ප්රේෂණ පද්ධතියේ අඛණ්ඩතාව බාධාවකින් තොරව පවත්වා ගත යුතු බවයි.
2024 අංක 36 දරන ශ්රී ලංකා විදුලිබල පනත යටතේ (සංශෝධිත පරිදි), ලංකා විදුලිබල මණ්ඩලයේ ප්රධාන කාර්යයන් 2026 මාර්තු 9 වන දින සිට ක්රියාත්මක වන පරිදි අනුප්රාප්තික සමාගම් හතරකට මාරු කරන ලද බව නිවේදනයේ සඳහන් වේ.
මෙම නිවේදනය අනුව, 2026 පෙබරවාරි 28 වන දින නිකුත් කරන ලද අංක 2477/47 දරන අතිවිශේෂ ගැසට් පත්රය යටතේ විදුලිබල සැපයුමට අදාළ සියලුම සේවාවන් දැනටමත් අත්යවශ්ය සේවා ලෙස ප්රකාශයට පත් කර ඇත. මූලික මාරු කිරීමේ සැලැස්ම යටතේ, දැනට සිටින සියලුම ලංවිම සේවකයින් අදාළ අනුප්රාප්තික සමාගම්වලට පවරන ලද බව ද එම නිවේදනයේ වැඩි දුරටත් සඳහන් වේ.
අත්යවශ්ය සේවා රෙගුලාසි නොතකා සමහර සේවකයින් සේවයට වාර්තා කිරීමට අපොහොසත් වී ඇති බවත් වෘත්තීය සමිති ක්රියාමාර්ගවල නිරත වී ඇති බවත් නිවේදනයේ සඳහන් වේ.
