රුසියාවේ විදේශ කටයුතු නියෝජ්ය අමාත්ය ඇන්ඩ්රි රුඩෙන්කෝ මහතා නිල සංචාරයක් සඳහා අද (31) ශ්රී ලංකාවට පැමිණියේය.
ආසියා-පැසිෆික් කලාපය සඳහා වගකිව යුතු නියෝජ්ය විදේශ අමාත්යවරයා ලෙස ඇන්ඩ්රි රුඩෙන්කෝ මහතා කටයුතු කරයි. ඔහු සිය සංචාරය අවසන් කර අප්රේල් 4 වන සෙනසුරාදා දිවයිනෙන් පිටත්ව යාමට නියමිතය.
ඔහු ශ්රී ලංකාව සහ රුසියාව අතර ද්විපාර්ශ්වික දේශපාලන උපදේශනවල 11 වන සැසිවාරයට සහභාගී වීමට නියමිත බව විදේශ කටයුතු අමාත්යාංශය සඳහන් කළ අතර මෙම උපදේශනය හෙට (01) විදේශ කටයුතු අමාත්යාංශයේදී පැවැත්වේ.
මෙම සැසියට ශ්රී ලංකාවේ විදේශ කටයුතු අමාත්යාංශයේ ලේකම්, රුසියානු නියෝජ්ය විදේශ අමාත්යවරයා සහ දෙරටේම විශේෂ නියෝජිතයින් සහභාගී වනු ඇත.
ආර්ථික විද්යාව, දේශපාලනය, සංස්කෘතිය, වෙළඳාම සහ සංචාරක ඇතුළු බහුවිධ අංශ හරහා සහයෝගීතාව සඳහා අනාගත අභියෝග සහ උපාය මාර්ග පිළිබඳව පුළුල් සාකච්ඡා පැවැත්වෙන බව විදේශ අමාත්යාංශය සඳහන් කළේය.
