රුසියානු නියෝජ්ය විදේශ අමාත්ය ඇන්ඩ්රි රුඩෙන්කෝ මහතා නිල සංචාරයක් සඳහා අද (31) දිවයිනට පැමිණීමට නියමිත බව විදේශ කටයුතු අමාත්යාංශය නිවේදනය කළේය.
රුසියාව සඳහා ආසියා-පැසිෆික් කලාපය භාර නියෝජ්ය විදේශ අමාත්යවරයා ලෙස ඇන්ඩ්රි රුඩෙන්කෝ මහතා සේවය කරන අතර ඔහු සෙනසුරාදා දිවයිනෙන් පිටත්ව යාමට නියමිතය.
ඔහු අද සවස 4:00 ට කටුනායක ජාත්යන්තර ගුවන් තොටුපොළෙන් දිවයිනට ගොඩබසිනු ඇතැයි අපේක්ෂා කෙරේ.
ශ්රී ලංකාව සහ රුසියාව අතර ද්විපාර්ශ්වික දේශපාලන උපදේශන සාකච්ඡාවල 11 වන සැසිවාරයට සහභාගී වීම සඳහා ඔහු පැමිණෙන බවත් විදේශ කටයුතු අමාත්යාංශය පැවසීය.
මෙම උපදේශන සැසිය හෙට (01) අමාත්යාංශ පරිශ්රයේදී පැවැත්වෙන බව විදේශ කටයුතු අමාත්යාංශය වැඩිදුරටත් සඳහන් කළේය. මෙම සැසිය සඳහා ශ්රී ලංකා විදේශ කටයුතු අමාත්යාංශයේ ලේකම්, රුසියානු නියෝජ්ය විදේශ අමාත්යවරයා සහ දෙරටේම අනෙකුත් විශේෂ නියෝජිතයින් සහභාගී වනු ඇතැයි අපේක්ෂා කෙරේ.
මෙම සැසිය අතරතුර, දෙරටේ ආර්ථිකය, දේශපාලනය, සංස්කෘතිය, වෙළඳාම සහ සංචාරක ව්යාපාරය ඇතුළු අංශ කිහිපයක් සම්බන්ධයෙන් පුළුල් සාකච්ඡා පැවැත්වේ. අනාගත අභියෝග සහ ඒවා ජය ගැනීමේ ක්රම පිළිබඳව සාකච්ඡා විශේෂයෙන් අවධානය යොමු කරනු ඇති බව ද විදේශ කටයුතු අමාත්යාංශය පවසයි.
